გამოკითხვა: რას შეეკითხებოდით ბიძინა ივანიშვილს?

დავით მიქაძე, ოზურგეთი:

_ არანაირი შეკითხვა არ მაქვს. რა უნდა ვკითხო _ პოლიტიკაში მაინც არაა და რა აზრი აქვს?!

ქეთევან დოლიძე, ოზურგეთი:

_ ნეტავ, თუ გათენდება ისეთი დღე, რომ ქართველი თურქეთში არ წავა სამუშაოდ?! ახლა იქ მივდივარ. ძალიან ცუდ მდგომარეობაში ვართ.

არჩილ ყიფიანი, აბაშა:

 _ როდის აპირებს იმ დანაპირების შესრულებას, ხალხს რომ დაჰპირდა _ ქვეყნის წინსვლა და კეთილდღეობა?

მარინა თედორაძე, ჩოხატაური:

_ რას გვპირდება სამომავლოდ?

ზაზა ზოიძე, ლანჩხუთი:

_ კითხვით არა, მაგრამ ვურჩევდი, ამდენი მაფიოზი რომ ჰყავს გარშემო, ისინი მოიშოროს.

ამირან გიგინეიშვილი, ლანჩხუთი:

_ ბოლოს და ბოლოს, "ბლექ სი არენა" და "ციცინათელა" გურიაა თუ აჭარა?

რობერტ წილოსანი, ლანჩხუთი:

_ არაფერს.

ვახტანგ ზენაიშვილი, ლანჩხუთი:

_ მილიარდერმა ადამიანმა რატომ დააარსა სოციალისტური პარტია?

გაიოზ მამალაძე, ჩოხატაური:

_ პოლიტიკური გუნდის კიდევ უფრო მეტად გადახალისებას და მეტი პროფესიონალების არჩევას როდიდან დაიწყებს?!

რომან ბერძენიშვილი, ჩოხატაური:

_ არაფერს.

ვახტანგ ჩიგოგიძე:

 _ რა უნდა შევეკითხო ბიძინა ივანიშვილს?! არანაირი კითხვა არ მაქვს.

ნუგზარ ლორია, ჩოხატაური:

_ სოფელ ზემო ფარცხმაში წყალს როდის გაგვიკეთებთ?

დავით ღლონტი, ოზურგეთი:

_ რას შევეკითხებოდი და ორი პარტია რომ მართავს სახელმწიფოს, ან ერთი დარჩეს ან _ მეორე. შაქარი ადრე 70 თეთრი ღირდა, ახლა რაც ღირს, ვხედავთ _ ამას მიხედონ.

გიორგი ჭანუყვაძე, ოზურგეთი:

_ ყველაფერი კარგად მიყავს _ რა უნდა ვკითხო?!