“საარჩევნო ადმინისტრაცია არ აწარმოებს არანაირი სახის გამოკითხვებს” _ ცესკო

დღეს, სოცილურ ქსელში გავრცელებულ განცხადებასთან დაკავშირებით ცენტრალური საარჩევნო კომისია კომენტარს აკეთებს და ამბობს,  ინფორმაცია, იმის შესახებ, რომ ცესკო საარჩევნო სუბიექტებთან დაკავშირებით გამოკითხვას ატარებს, მცდარია.

"სოციალური ქსელის „facebook“-ის მეშვეობით გავრცელდა მცდარი ინფორმაცია, რომ ცენტრალური საარჩევნო კომისია (ცესკო) საარჩევნო სუბიექტებთან დაკავშირებით გამოკითხვას ატარებს. მოგვიანებით, აღნიშნული ინფორმაციის გაზიარება და გავრცელება ასევე, მოხდა სოც.ქსელების სხვა მომხმარებლების მიერ.

საარჩევნო ადმინისტრაცია არ აწარმოებს არანაირი სახის გამოკითხვებს სუბიექტების მხარდაჭერასთან დაკავშირებით და  კონკრეტული პირების მიერ გავრცელებული ინფორმაცია არ შეესაბამაბა სიმართლეს".

ცესკო მოუწოდებს საარჩევნო სუბიექტებს, მათ მხარდამჭერებს, თავი შეიკავონ საარჩევნო ადმინისტრაციის სახელით არასწორი ინფორმაციის გაჟღერებისა და გავრცელებისგან.