ლანჩხუთის ეგნატე ნინოშვილის სახელობის სახალხო თეატრს საქართველოს სახალხო თეტრების ფესტივალზე საუკეთესო სცენოგრაფიისთვის პრიზი გადაეცა.
აღნიშნულ ფესტივალს 24 სექტემბრიდან პირველი ოქტომბრის ჩათვლით ქალაქმა მარნეულმა უმასპინძლა, სადაც არაერთი რეგიონის თეატრალური დასი იყო წარმოდგენილი. ჩვენებურები ფესტივალზე ლაშა ბუღაძის პიესით „ნუგზარი და მეფისტოფელი“ წარსდგნენ, რომელიც ახალგაზრდა რეჟისორმა დავით წერეთელმა დადგა.
გარდა სცენოგრაფიისა, ლანჩხუთის სახალხო თეატრი კიდევ რამდენიმე ნომინაციაზე იყო წარდგენილი _ მამაკაცის საუკეთესო როლისთვის, ქალის საუკეთესო როლისთვის და რა თქმა უნდა, ფესტივალის მთავარი ჯილდო-გრან-პრისთვის. თუმცა, ჟიურის გადაწყვეტილებით (ლელა ოჩიაური, ნიკოლოზ წულუკიძე და და ნერონ აბულაძე), ჩვენებურებმა სცენოგრაფიაში მოიპოვეს აღიარება და შესაბამისი ჯილდოც.
სამომავლოდ, ლანჩხუთელი თეატრალები გულშემატკივრებს კიდევ ბევრ წარმატებებსა და ახალ სპექტაკლებს ჰპირდებიან.
