ზუგდიდის მე-18 საარჩევნო უბანზე საარჩევნო პროცესი დაახლოებით 30-40 წუთით შეფერხდა.
ცესკო-ს პრესსპიკერის, ანა მიქელაძის განცხადებით, აღნიშნულ უბანზე მისულ ამომრჩევლს 08:00 საათიდან არ მიეცა საშუალება განეხორციელებინა საკუთარი კონსტიტუციური უფლება.
„07:00-დან 08:00 საათამდე კენჭისყრის წინა პროცედურები მიმდინარეობს, როდესაც კომისიის წევრები ერთმანეთში ინაწილებენ ფუნქციებს. ამ უბნის შემთხვევაში, კომისიის ერთ–ერთ წევრს არ სურდა მონაწილეობა მიეღო წილის ყრის პროცესში, რამაც გამოიწვია შეფერხება, თუმცა მოგვიანებით, მისი ქმედება გამოსწორდა“, – განმარტა ანა მიქელაძემ.
გარდა ამისა, მისივე თქმით, ამავე უბანზე დამკვირვებელი აპროტესტებდა ლუქის ნომრის დაფიქსირებას შესაბამის ჟურნალში, რის გამოც, პროცესი გაჭიანურდა და ხმის მიცემის პროცედურა დაგვიანებით დაიწყო.
