ბულგარეთის დროშით მცურავი გემის კაპიტანს 65 000 ლარის ოდენობით ჯარიმა დაეკისრა

გარემოსდაცვითი ზედამხედველობის დეპარტამენტის, შავი ზღვის დაცვის სამმართველოს თანამშრომლებმა, სასაზღვრო პოლიციის წარმომადგენლებთან ერთად, გემის მიერ ფოთის ნავსადგურის დაბინძურების ფაქტი გამოავლინეს. ბულგარეთის დროშით  მცურავმა გემმა შავ ზღვაში სამეურნეო-ფეკალური წყლები ჩაღვარა.

სამართალდამრღვევი გემის კაპიტანს დაეკისრა ჯარიმა 65 000 ლარის ოდენობით და გარემოსთვის მიყენებული ზიანის ანაზღაურება.

ბულგარეთის დროშით მცურავი გემი საქართველოს ტერიტორიულ წყლებს დაკისრებულინ ჯარიმის  გადახდის შემდეგ დატოვებს.