დღეს, ქალაქ ოზურგეთის მუნიციპალიტეტის საკრებულოს სხდომა გაიმართა, სადაც დეპუტატებმა დღის წესრიგით გათვალისწინებული სამი საკითხი განიხილეს და დაამტკიცეს.
საკრებულოს სხდომის დასაწყისში საკრებულოს თავმჯდომარემ გელა კობალაძემ დეპუტატებს სთხოვა წუთიერი დუმილით პატივი მიეგოთ დეპუტატი გოჩა მგელაძის ხსოვნისთვის.
ქალაქ ოზურგეთის მერიის საფინანსო სამსახურის უფროსმა მარიკა ნაცვალაძემ 2016 წლის ბიუჯეტში 30 დეკემბრის #56 დადგენილებაში ცვლილებების შეტანის შესახებ ისაუბრა:
განხორციელებული ცვლილებების შესაბამისად, ბიუჯეტი დაზუსტდა განისაზღვრა 15392,9 ათასი ლარით.
მისივე თქმით, 2016 წლის ბიუჯეტში საჭიროა გახორციელდეს ცვლილებები პრიორიტეტებს შორის:
“მუნიციპალური განვითარების ფონდიდან სესხის ასაღებად თანამონაწილეობის სახით ბიუჯეტი გაიზარდა 360.5 ათასი ლარით კეთილმოწყობის სამუშაოებისთვის. ბიუჯეტის ხარჯვითი ნაწილი 360,5 ათასი ლარით შემცირდება:
“ქალაქ ოზურგეთის საკრებულოს დაფინასება შეუმცირდება 38,0 ათასი ლარით, ქალაქ ოზურგეთის მერიას _ 43, 5 ათასი ლარით, ასევე, საგზაო ინფრასტრუქტურის მშენებლობა, რეაბილიტაცია, მოვლა-შენახვა შემცირდეს 5,5 ათასი ლარით, ბინათმშენებლობა შემცირდება 12.8 ათასი ლარით, კეთილმოწყობის სამუშაოები 17,8 ათასი ლარით, ზოგადი განათლების ხელშეწყობა შემცირდეს 3.2 ათასი ლარით, გაერთიანებული სპორტის განვითარების ცენტრს დაფინანსება 30.0 ლარით შეუმცირდება, ასევე, ცენტრალურ ბიბლიოთეკას 5.0 ათასი ლარით, ჯუმბერ დუნდუას სახელობის ანსამბლს “გურიას“ 9.0 ლარით, ისტორიულ მუზეუმს დაფინანსება 8.0 ათასი ლარით შეუმცირდება, კულტურისა და მოსწავლე-ახალგაზარდობის სახლს 7.0 ათასი ლარით.
მარიკა ნაცვალაძის განმარტებით, ბიუჯეტში წარმოქმნილი ეკონომია 179.8 ათასი ლარი გადანაწილდება სხვადასხვა სამსახურებზე:
“კომუნალური მომსახურების ცენტრს გაეზრდება დაფინანსება 43.5 ათასი ლარით, ასევე, გარე განათების ხარჯი გაიზრდება 19.3 ათასი ლარით, სკოლამდელი განათლების დაფინანსება _ 22.0 ათასი ალრით, თეატრს გაეზრდება დაფინანსება 45.0 ათასი ლარით, შეჭირვებულ მოქალაქეთა სამედიცინო მომსახურების პროგრამა გაიზრდება 12.0 ათასი ლარით, განსაკუთრებული საჭიროების მქონე პირთა დახმარების პროგრამა 7.0 ათასი ლარით, “ც“ ჰეპატიტით დაავადებულ პირებში მკურნალობის ტაქტიკის განსაზღვრისთვის საჭირო კვლევების დაფინანსების პროგრამა 15.0 ათასი ლარით გაიზრდება, მძიმე საცხოვრებელ პირობებში მყოფი ოჯახების დახმარების პროგრამა გაიზრდება 8.2 ათასი ლარით, უსახლკაროდ დარჩენილი ოჯახების დახმარება ბინის ქირით უზრუნველყოფა გაიზრდება 7.8 ათასი ლარით“.
ბიუჯეტით გაუთვალისწინებელი გადასახდელების დაფინანსების მიზნით, ბიუჯეტში შეიქმნას სარეზერვო ფონდი 159,7ათასი ლარის ოდენობით და მისი განკარვა მერის გადაწყვეტილების საფუძველზე გახორციელდება.
საკრებულოს სხდომის დამთავრების შემდეგ საქართველოს სახალხო დამცველის აპარატის რეგიონული დეპარტამენტის გურიის ოფისის მთავარმა სპეციალისტმა ანა გახოკიძემ ადამიანის უფლებათა კვირეულთან დაკავშირებით ინფორმაცია მიაწოდა დეპუტატებს, საკრებულოს სხდომაზე მყოფ საჯარო მოხელეებს სახალხო დამცველის მანდატის თაობაზე და აგრეთვე ადამიანის უფლებათა საერთაშორისო დღეს, 10 დეკემბერს, ოზურგეთის ჭადრების ბაღში დაგეგმილ აქციაზე სლოგანით _ “ხმა აიმაღლე სხვისი უფლებებისთის“.
