პოლიციის მიერ, დეკანოზ გიოგი მამალაძის დაკავება THE DAILY MAIL-ის ობიექტივში მოხვდა.
როგორც მაუწყებელი წერს საქართველოში პოლიციამ სასულიერო პირი დააკავა, რომელსაც ბრალი მაღალი რანგის წოდების პირის მოწამვლაში ედება.
მაუწყებლის ინფორმაციით, პროკურატურამ განცხადება რუსთავი2-ის მიერ მომზადებული რეპორტაჟის შემდეგ გააკეთა, რომელიც საქართველოს კათოლიკოს პატრიარქის ილია მეორის მოწამვლის მცდელობას შეეხებოდა.
"როგორც ყოფილი საბჭოთა რესპუბლიკის მთავარმა პროკურორმა, ირაკლი შოთაძემ ჟურნალისტებს განუცხადა სამართალდამცავებმა მამა გიორგი მამალაძე თბილისის აეროპორტში დღეს დააკავეს და მას ჩემოდანში ციანიდი აღმოაჩნდა.
როგორც ცნობილია, მამალაძე საქართველოს მართლმადიდებლური ეკლესიის დეპარტამენტის ხელმძღვანელია და ის გერმანიაში მიემგზავრებოდა, სადაც ილია მეორე მკურნალობს.
შოთაძის თქმით, დაკავება იმ შეტყობინების საფუძველზე განხორციელდა, რომელიც პროკურატურამ ერთ-ერთი მოქალაქისგან მიიღო, რომლის მიხედვითაც, სასულიერო პირი ციანიდის შოვნას ცდილობდა.
მაუწყებლის ინფორმაციით, პოლიციამ მამალაძის ბინიდან ჩხრეკის შედეგად იარაღი ამოიღო", _ აღნიშნულია მაუწყებლის მიერ გავრცელებულ ინფორმაციაში.
მაუწყებლის ინფორმაციით, შოთაძე არ ასახელებს თუ ვის მოწამვლის მცდელობაშია სასულიერო პირი ეჭვმიტანილი.
როგორც THE DAILY MAIL აღნიშნავს, 84 წლის ილია მეორეს ჯანმრთელობის მდგომარეობა რამდენიმე წლის განმავლობაში ცუდია და ის აშკარად სუსტად იყო ოქტომბერში, რომის პაპის ფრენსისის საქართველოში ვიზიტის დროს.
მაუწყებელი ასევე აღნიშნავს, რომ პარლამენტის იურიდიული საკითთხა კომიტეტის თავმჯდომარე, ეკა ბესელია მომხდარს გამოეხმაურა და განაცხადა, რომ მამალაძის დაკავებამ მძიმე დანაშაულს შეუშალა ხელი, თუმცა მას არ შეუძლია საქმის დეტალების გამჟღავნება.
ბესელიამ ასევე აღნიშნა, რომ პატრიარქის უსაფრთხოება და ჯანმრთელობა აბსოლიტურად დაცულია.
