“ეს ყველაფერი მხოლოდ იმის ბრალია, რომ დამნაშავეები არ სხედან იქ, სადაც მათი ადგილია” _ ირაკლი კორძაია

ჟურნალისტი ირაკლი კორძაია "რუსთავი 2'_ის გენერალური დირექტორის ნიკა გვარამიას ცემის ფაქტს ეხმაურება და  საპარლამენტო უმრავლესობის წევრს მანანა კობახიძეს მიმართავს, რომლის განცხადებით "არცერთ შემთხვევაში, ძალადობას გამართლება არა აქვს":

„მანანა, ჩემო კეთილო, ეს ყველაფერი მხოლოდ იმის ბრალია, რომ დამნაშავეები არ სხედან იქ, სადაც მათი ადგილია. ახალგაზრდა, გამოუცდელი კაცისთვის რთულია იმ ადამიანების მომღიმარი და ცინიკური სახეების ცქერა, როლებიც ტკივილს აყენებდნენ მათ ახლობლებს და ზოგადა მთელს ქვეყანას.

აი, მე მაგალითად, ძალიან მიმძიმს ერთი პიროვნების მსუყე სახის დანახვა. პიროვნების რომელიც მე და ჩემს მეგობრებს იმ ავბედით წლებში სასამარლო დარბაზებიდან გვაძევებდა და მანდატურებს ჩვენი დაკავების მითითებას აძლევდა.

ვანო ზარდიაშვილი, რომელიც დღეს უმრავლესობას წარომადგენს. რომელიც დაგვცინოდა და გვამცირებდა, როდესაც ჩვენი უკანონოდ დაკავებული მეგობრების სასამართლო პროცესებზე დავდიოდით. ეს ჩეთვის არანაირ ახსნას არ ექვემდებარება. იმედია, ხვდები, რომ შენ ჩემთვის პატივცემულ ადამიანს ნიშანს არ გიგებ. სატკივარს გიზიარებ, როგორც ძველ თანამებრძოლს", – წერს ირაკლი კორძაია ფეისბუქის საკუთარ გვერდზე.