საქართველოს პრეზიდენტი, გიორგი მარგველაშვილი სამაუწყებლო კომპანია „რუსთავი 2“-ის ირგვლივ განვითარებულ მოვლენებს ეხმაურება და აცხადებს, რომ საკითხი პოლიტიზირებულია.
„მინდა გამოვეხმაურო „რუსთავი 2“ -ის ირგვლივ განვითარებულ მოვლენებს. პირველი რაც მინდა დავაფიქსირო, არის ის, რომ პროცესი თავიდავე, პოლიტიკოსების ჩარევით, პოლიტიზირებული გახდა. 2015 წლის 22 ოქტომბერს, მაშინდელი პრემიერ-მინისტრის მთავრობის სხდომაზე გაკეთებული განცხადებების გამო, ჩვენ ფაქტობრივად დავდექით სამოქალაქო დაპირისპირების საშიშროეების წინაშე. მაშინ მე დამჭირდა ძალიან მკაფიო განცხადებების გაკეთება, რომ მოლაპარაკებები ქუჩიდან სხვა რეჟიმში გადმომეყვანა. მას მერე პოლიტიკოსების ძალიან აქტიური ჩართულობა ამ პროცესში ძალიან პოლიტიზირებული იყო.
არ ვეხები რა კერძო მესაკუთრეების ირგვლივ დავას, მინდა, ნათლად ვუთხრა საზოგადიოებას, რომ „რუსთავი 2“ არ არის მხოლოდ ბიზნესი, ისევე, როგორც ნებისმიერი მედია. ის წარმოადგენს ჩვენი საზოგადოებრივ-პოლიტიკური ცხოვრების მნიშვნელოვან შემადგენელს, ის არის კრიტიკული და განსხვავებული აზრის გამოხატვის შესაძლებლობა. კრიტიკული და განსხვავებული აზრი კი დემოკრატიული საზოგადოევის და საქართველოს ევროპული მომავლისთვის ძალიან მნიშვნელოვანია. მე არაერთხელ მითქვამს, რომ ფაქტიურად, 2 წლის განმავლობაში ყველა ჩემს შეხვედრაზე, რომელის მქონდა ჩვენს საერთაშორისო პარტნიორებთან, „რუსთავი 2“-ის თემა ყოველთვის იყო წამოწეული და მე მქონდა საშუალება როგორც ჩემი პოზიოცია გამეხმაუირებინა ამ საკითხთან დაკავშირებით, ასევე მიმეცა კომენტარები. საერთაშორისო თანამდეგობრობაც, „რუსთავი 2“-ის პროცესს არა უბრალოდ სამართლებრივ დავად არამედ პოლიტიკურ პროცესად ხედავს. ხედავს პროცესად, რომელიც გავლენას ახდენს საქართველოში მედიის თავისულების გარემოსა და პლურალისტურ გარემოზე.
იგივე ნათლად დააფიქსირა ქართულმა საზოგადოებამ როდესაც გამოხატა მხარდაჭერა ამ არხის დამოუკიდებლობის მიმართ.
მინდა ყველას გავახსენო, რომ 2007 წელს, როდესაც სააკაშვილის მიერ სპეცრაზმებისთვის მიცემული ბრძანების ფონზე მოხდა „იმედის“ დარბევა, რაც იყო უაღრესად დამაზიანებელი ჩვენი დემოკრატიისათვის, ფაქტიურად, იმწამსვე დავაფიქსირე ჩემი პოზიცია, რომ სააკაშვილისათვის ეს არის ტრაგიკული და დანაშაულებრივი გადაწყვეტილება და აქედან გამომდინარე, მინდა დღესაც ყველას მოვუწოდი, რომ დანაშაულებრივი გადაწყვეტილებისგან და პროვოკაციისგან თავის შეკავებისკენ.
თემის პოლიტიკური მნიშვნელობიდან გამომდინარე, მინდა მოვუწოდო ყველა მხარეს, საკონსტიტუციო სასამართლოსა და სტრასბურგის ადამიანის უფლებათა ევროპული სასამართლოს გადაწყვეტილებებს მოვუსმინოთ, დაველოდოთ და არ გადავდგათ მყისიერი ნაბიჯები“, _ განაცხადა საქართველოს პრეზიდენტმა.
