მსახიობი ნიკოლ კიდმანი სიყვარულის ძალაზე, არჩევანის სირთულესა და მამაკაცებთან ურთიერთობებზე საუბრობს.
„მე ვცდილობ ავარჩიო ფილმები, სადაც შესაძლებელი იქნება აჩვენო ადამიანის სულის სირთულე, როლი, რომელიც ნებას გაძლევს ჩაუღრმავდე, შეისწავლო და არ გაკიცხო. ჩემი ამოცანაა – ვაჩვენო, რომ ადამიანებს შეუძლიათ მოიქცნენ საოცრად კეთილშობილურად, ასევე წარმოუდგენლად თავმდაბლურად“.
„არ მგონია, რომ ჩემი ადრეული კინოფილმები, იყოს კარგი. ახალგაზრდობაში მე მეჩვენებოდა, რომ მე დამოკიდებული ვიყავი ტომ კრუზზე, რომლის სახელთანაც ადრე მაიგივებდნენ. როდესაც ჩვენ „ოსკარების“ ცერემონიალზე გავდიოდით, მე ვხვდებოდი, რომ ჩემი დავალება იყო: დემონსტრაცია მომეხდინა საკუთარი კაბის და წითელ ხალიჩაზე კამერების წინ ჩემს მამაკაცთან ერთად მეპოზიორა“.
ნიკოლ კიდმანი ტომ კრუზთან დაშორების შემდეგ პერიოდს იხსენებს.
„განქორწინების შემდეგ 6 წელი მარტო გავატარე, რა თქმა უნდა, ეს ყველასთვის დიდი გამოცდილებაა. მაგრამ დარწმუნებული ვარ: უმჯობესია იყო მარტო, ვიდრე გქონდეს ისეთი ურთიერთობა, რომელიც გაუბედურებთ“.
ნიკოლ კიდმანს „ვარსკვლავური“ ცხოვრებისადმი საკუთარი დამოკიდებულება აქვს:
„არ ვაკეთებ ბევრ ისეთ რამეს, რასაც სხვები პოპულარობისთვის გააკეთებდნენ. მაგალითად, მირჩევნია წავიდე სახლში ან სასტუმროს ნომერში, ვიდრე დავრჩე ხმაურიან წვეულებაზე. ნაწილობრივ იმიტომ, რომ მორცხვი ვარ, ან შეიძლება იმიტომ, რომ შემეშინდეს არ დავკარგო საკუთარი სახე“.
„ჩემი მეუღლე დარწმუნებულია, რომ ძალიან დაუცველი ვარ. ის საერთოდაც ფიქრობს, რომ ჩემთვის ადვილი არ არის ვიცხოვრო ამ ქვეყანაზე. „მე შენ დაგიცავ“- მეუბნება იგი _ ახლა ეს ჩემი სამსახურია“.
„ჩემი და კიტის გაცნობა ტალღის დარტყმას არ გავდა. უბრალოდ, ერთმანეთს ორი ეული ადამიანი შეხვდა, შეშინებულები და ამავდროულად, მამაცებიც, რომლებიც მზად ვიყავით ერთმანეთის წინაშე გავხსნილიყავით. კიტი ჩემთან ერთად იყო მშობიარობის დროს და მორალურად ძალიან მამხნევებდა.
ორსულობის დროს გავიგე, რომ არის შემთხვევები როცა ქალები 40 საათის განმავლობაშიც მშობიარობდნენ. ვიფიქრე: ნუთუ, ჩემს შემთხვევაშიც ასე იქნება? საბედნიეროდ ყველაფერმა ადვილად ჩაიარა.
“არ მჯერა, რომ შესაძლებელია ცხოვრებას ბოლომდე გაუგო, აუცილებელია მოვლენებმა თავისთავად გაიაროს, ყველაფერი თავისი არსით უნდა შეიგრძნო, რომ ამ ცხოვრებას გაუგო.
გავიზარდე კათოლიკურ ოჯახში და ეს ძალიან მეხმარება. ვცდილობ მივყვე 10 მცნებას – უბრალოდ არ მინდა როცა ჩემი დრო მოვა, მოვკვდე ისე, რომ ჩემი სული დამძიმებული იყოს.
ჩემი ნაშვილები ბავშვები სწავლობენ საენტოლოგიას და ხშირად მეხუმრებიან. უფროსმა გოგომ, რომელიც 21 წლისაა, მაჩუქა მაისური წარწერით: „კათოლიკე ყველას უყვარს“.
„სიყვარული ჩემი ცხოვრების მთავარი მამოძრავებელი ძალაა“ – ამბობს კიდმანი.
„თქვენ ხვდებით სიყვარულს, შემდეგ კარგავთ მათ, მოგვიანებით კი ისევ პოულობთ. ეს არის ჩვეულებრივი გზა, რომელსაც უმრავლესობა გავდივართ – მთავრია ცხოვრებაში მოგზაურობა“.
„მოერიდეთ კომფრომიზმს. მხოლოდ მაშინ, როდესაც ჩვენ დინების საწინააღმდეგოდ მივცურავთ, ჩვენი ხასიათი იკვეთება.
დედაჩემი ყოველთვის ამბობდა: არ დაუშვა ვინმემ შენი სულის სიმშვიდე დაარღვიოს!“ _ ამბობს ნიკოლ კიდმანი.
