ამერიკის შეერთებულ შტატებში, კერძოდ, ტეხასში კატასტროფულ წყალდიდობას ებრძვიან, თუმცა, მდგომარეობა მოსალოდნელია რამდენიმე დღეში უფრო გაუარესდეს, რადგან წყლის დონემ კიდევ უფრო მოიმატა. აღნიშნულ ინფორმაციას BBC ავრცელებს.
როგორც ცნობილია, მაშველებმა ჰიუსტონიდან, რომელიც ამერიკის სიდიდით მეოთხე ქალაქია და 6 მილიონზე მეტი ადამიანი ცხოვრობს, 3 000-ზე მეტი ადამიანის გადარჩენა შეძლეს.
გავრცელებული ცნობით, ვერტმფრენებმა დაზარალებულები საცხოვრებელი სახლების სახურავებიდან აიყვანეს.
ამ დროისთვის გავრცელებული ცნობით, შტორმის შედეგად 9 ადამიანი დაიღუპა, ხოლო საგანგებოდ შექმნილ თავშესაფრებში 30 000-ზე მეტი ადამიანი იმყოფება.
ოფიციალური პირების განცხადებით, ტეხასის შტატში კატასტროფის შედეგად ნახევარი მილიონი ადამიანია დაზარალებული.
როგორც ცნობილია, სტიქიის ზონის მონახულებას ამერიკის შეერთებული შტატების პრეზიდენტი, დონალდ ტრამპი აპირებს.
„აღგდგენა იქნება ხანგრძლივი და რთული პროცესი. მთავრობა მზადაა და აქვს სურვილი ხელი შეუწყოს ამ პროცესს“, _ განაცხადა ტრამპმა.
