მუმბაიში 6 სართულიანი შენობა ჩამოინგრა, რის შედეგადაც 7 ადამიანი დაიღუპა. აღნიშნულ ინფორმაციას BBC ავრცელებს.
როგორც ცნობილია, შენობა მჭიდროდ დასახლებულ რაიონში მდებარეობდა.
გავრცელებული ცნობით, ის დაახლოებით 100 წლის წინ არის აშენებული.
შემთხვევის ადგილზე სასწრაფო სამედიცინო დახმარების და სტიქიურ უბედურებასთან მებრძოლი ბრიგადები არიან მობილიზებული.
ინდოეთის კატასტროფაზე რეაგირების ძალების განცხადებით, სამაშველო ოპერაციები გრძელდება და მასში 43 მაშველი მონაწილეობს.
