არის თუ არა ხელისუფლება მზად სტიქიასთან საბრძოლველად?

ნატო კაპანაძე, ოზურგეთი:

_ ალბათ, არის. აბა, როგორ ჩააქრობდნენ ამხელა ხანძარს?!

ომარ შავიშვილი, ოზურგეთი:

_ ასე თუ ისე არის, თუმცა, მეტი მომზადებაა საჭირო.

ზაზა გიორგაძე, ჩოხატაური:

_ არ მგონია.

დარია ლომჯარია, ოზურგეთი:

_ არ არის მზად. ხანძარი უფრო ადრე უნდა ჩაექროთ.

ვახტანგ რუსიეშვილი, ოზურგეთი:

_ მზად რომ არ იყვნენ, ვერ ჩააქრობდნენ. კი ხედავთ, რა მდგომარეობაა მთელ მსოფლიოში.

გალაქტიონ მეგრელიძე, ჩოხატაური:

_ კი, მომზადებულია.

როზა უჩაძე, ოზურგეთი:

_ არ არის მზად. ამდენ ხანს ცეცხლის ჩაქრობა უნდა მოეხერხებინათ.

თამაზ ირემაძე, ოზურგეთი:

_ სტიქიას ადვილად ვერ შეებრძოლები. მზად კი არიან, მაგრამ უფრო უნდა გაძლიერდნენ.

არკადი ლომჯარია, ოზურგეთი:

_ მზად არის, თუმცა, მეტია საჭირო სტიქიის დროს.

დათო თავაძე, ოზურგეთი:

_ მიმაჩნია, რომ არიან მზად. უფრო ძლიერი ქვეყნები ვერ უმკლავდებიან იოლად სტიქიას. როგორი მომზადებულიც უნდა შეხვდე, რაღაც კუთხით მაინც დაგაზარალებს.

პოლინა გოგუა, ოზურგეთი:

_ დიახ, ჩააქრეს იმხელა ხანძარი და მგონი, მთელი მსოფლიო დააყენეს ფეხზე.

თამაზ ვაშაყმაძე, ოზურგეთი:

_ კი არის, მაგრამ მეტად უნდა მოემზადონ. თუმცა, ზოგი რომ ყვირის, არაფერს აკეთებენო, ეს არასწორად მიმაჩნია.

იზო სანიკიძე, ოზურგეთი:

_ არ არიან მზად. რამდენ ხანს იყო ხანძარი და ვერ ჩააქრეს. მეტი მომზადებაა საჭირო და ეს გაკვეთილი უნდა იყოს.

ასმათ გოგაძე, ოზურგეთი:

_ სად არიან მზად? დაიწვა მთელი ბორჯომი. ფულის შოვნაზე ფიქრობენ მხოლოდ.

თინათინ ერისთავი, ოზურგეთი:

_ რა თქმა უნდა, არის. ადვილი არაა სტიქიასთან ბრძოლა. უცებ ვერ გაუმკლავდები.

ვახტანგ გოგია, ოზურგეთი:

_ არანაირად არ არიან მზად. უსუსური ხელისუფლებაა და ამიტომაც ვერ შეძლეს ხანძრის ჩაქრობა.

ნიკოლოზ ვასაძე, ოზურგეთი:

_ ხელისუფლება მზად არის და უმკლავდება კიდეც სტიქიებს.

ნაზიკო დოლიძე, ოზურგეთი:

_ მზად არის კი არა, არაფერს აკეთებს. დაიწვა მთელი ბორჯომი. ესაა მზადყოფნა?!

მაკა იაკობიძე, ლანჩხუთი:

_ ამ დღეებმა გვიჩვენა, რომ არაა მზად.

თორნიკე ჯიჯიეშვილი, ლანჩხუთი:

_ არც ფინანსურად და არც მოსახლეობისთვის ინფორმაციის მიწოდების მხრივ არ არის მომზადებული.

ედუარდ ჯიბლაძე, ლანჩხუთი:

_ შესაძლებლობის ფარგლებში ყველაფერს აკეთებს..

ზაალ სანაძე, ლანჩხუთი:

_ ასი პროცენტითო, ვერ ვიტყვი, მაგრამ შეძლებისდაგვარად ყველაფერს ცდილობს.

თეონა სარჯველაძე, ლანჩხუთი:

_ მგონი, რაც შეუძლია აკეთებს, მაგრამ სამომავლოდ ბევრი რამაა გასათვალისწინებელი.

ვასილ ხაჟალია, ჩოხატაური:

_ მეტნაკლებად კი და ყველაფერს ვერ გაითვალისწინებს წინასწარ.