საქსტატის მიერ გამოქვეყნებული მონაცემების მიხედვით ირკვევა, რომ საქართველოში უნივერსიტეტების მიმართ ახალგაზრდების დაინტერესების რიცხვი ყოველწლიურად საგრძნობლად იზრდება. კერძოდ, საქსტატის მიერ გამოქვეყნებული მონაცემების მიხედვით, 2011 წელს უმაღლეს სასწავლებლებში სტუდენტთა რაოდენობა 95.1 ათასი იყო. 2012 წელს სტუდენტთა საერთო რიცხოვნობამ 109.5 ათასი შეადგინა. 2013 წელს მათი რიცხვო 117.7 ათას სტუდენტამდე გაიზარდა. საქსტატის მიერ გამოქვეყნებული მონაცემების მიხედვით, 2014-2015 წლებში მნიშვნელოვნად იზრდება უნივერსიტეტში ჩამბარებელთა რაოდენობა. კერძოდ, 2014 წელს სტუდენტთა რაოდენობამ 124.2 ათასი შეადგინა. 2015 წელს კი 132.9 ათასი. 2016 წელს დაფიქსირებული რაოდენობა მონაცემებს შორის ყველაზე მაღალი აღმოჩნდა. ჩვენს ხელთ არსებული ინფორმაციის მიხედვით, 2016 წელს სტუდენტთა საერთო რაოდენობამ 140.3 ათასი შეადგინა. 2017 წლის მონაცემების შესახებ ინფორმაცია საქსტატს ჯერ არ გამოუქვეყნებია.
