უკრაინის გენერალური პროკურორი იური ლუცენკო საქართველოს მთავარი პროკურორის მოადგილე გიორგი გოგაძეს შეხვდა. ინფორმაცია ამის შესახებ უკრაინის გენერალური პროკურატურის საიტზე გამოქვეყნდა. შეხვედრა 12 იანვარს უკრაინის გენერალურ პროკურატურაში შედგა.
ამასთან, სააკაშვილის გვარი ოფიციალურ განცხადებაში ნახსენები არ არის.
„მხარეებმა ორხმრივი თანამშრომლობის ყველაზე აქტუალური საკითხები, კერძოდ, სისხლის სასამართლის წარმოებისა და ექსტრადირების დროს საერთაშორისო სამართლებრივი დახმარების საკითხი განიხილეს. მხარეებმა შეხვედრის კონსტრუქციულ ხასიათი აღნიშნეს და მომავალი თანამშრომლობის იმედი გამოთქვეს, _ ნათქვამია განცხადებაში.
მიუხედავად ამ განცხადებისა, უკრაინული მედია ვარაუდობს, რომ მოლაპარაკებების თემა საქართველოში მიხეილ სააკაშვილის ექსტრადირება იყო.
მიხეილ სააკაშვილის ყოფილი ადვოკატი ბექა ბასილაია დარწმუნებულია, რომ საქართველოს მთავარი პროკურორის მოადგილისა და უკრაინის გენერალური პროკურორის შეხვედრის მთავარი თემა სწორედ მიხეილ სააკაშვილის ექტსრადირება იყო. ბასილაიას თქმით, საქართველოს მესამე პრეზიდენტის უკრაინიდან საქართველოში ექსტრადირების სამართლებრივი საფუძველი არ არსებობს, თუმცა მისი თქმით, რას მოიმოქმედებს ორი ქვეყნის “ოლიგარქიული რეჟიმი” რთული სავარაუდოა:
