საქართველოს იუსტიციის მინისტრი თეა წულუკიანი, პრეზიდენტის ადმინისტრაციის ხელმძღვანელის იმ განცხადებას პასუხობს, რომლის მიხედვითაც თეა წულუკიანმა მოქალაქეობის საკითხთა კომისიის წევრები იუსტიციის სახლში არ შეუშვა.
წულუკიანის თქმით, უწყება მზად არის პრეზიდენტის ადმინისტრაციის თანამშრომლებს ფართი დაუთმოს.
“საქართველოს პრეზიდენტის სასახლეში არ გამოიძებნა ფართი კომისიის ექვსი წევრის სხდომებისთვის და აქ პრეზიდენტმა შეცვალა თავისი გადაწყვეტილება და კვლავ დაადგინა, რომ იუსტიციის სამინისტროს სისტემა უნდა იყოს კომისიის სამუშაო ადგილი. რა თქმა უნდა, მე გამოვთქვამ მზაობას, რომ სხვა უწყების, პრეზიდენტის თანამშრომლები ჩვენ შევიფაროთ და კომისიას მუშაობის საშუალება მივცეთ,” – აღნიშნა თეა წულუკიანმა.
