,,,ნებისმიერ ადამიანს შეუძლია მივიდეს სასულიერო აკადემიაში და დარწუმნდეს, რომ ძალადობას ადგილი არ აქვს, აღნიშნული ინფორმაცია, რა თქმა უნდა, არასწორია“, _ ამის შესახებ სასულიერო აკადემიის რექტორმა, პროტოსპრესვიტერმა გიორგი ზვიადაძემ ჟუნალისტებთან განაცხადა.
,,თბილისის სასულიერო აკადემია და სემინარია არის უმაღლესი სასულიერო სკოლა, სრულიად საქართველოს კათოლიკოს – პატრიარქის დამფუძნებული, აკადემიას ძალიან დიდი ამოცანები აქვს და მის დაფუძნებას პატრიარქი ძალიან დიდ მნიშვნელობას ანიჭებდა. საღვთისმეტყველო სკოლის გარეშე ქართული საღვთისმეტყველო აზროვნების განვითარება წამოუდგენელია. სიმართლის გარკვევა არის მარტივი, _ განაცხადა პროტოპრესვიტერმა.
მისივე თქმით, წარმოუდგენელია, რომ აკადემიაში რაიმე ძალადობას ჰქონდეს ადგილი. ,,სასულიერო აკადემიაში, რომელშიც მოღვაწეობენ სასულიერო მეცნიერები, პროფესორ-მასწავლებლები, ვის წარმოუდგენია, რომ რაიმე სახის ძალადობა იყოს? სასულიერო აკადემიაში უშუალოდ პატრიარქის მეთვალყურეობის ქვეშ არის, მე არ შემიძლია ვისაუბრო თუ რაში სჭირდებათ ეს, მე შემიძლია ვისაუბრო თუ რა არის სიმართლე და რა არა. წარმოუდგენელია, რომ აკადემიაში რაიმე ძალადობას ჰქონდეს ადგილი. პირიქით, სამეცნიერო საბჭოს მთელი პედკოლექტივის და სტუდენტების უდიდესი მცდელობაა, რომ რაც შეიძლება მაღალი სულიერების და ცოდნის მიღების საშუალება იყოს აკადემიაში, მე არ შემიძლია რომელიმე ადამიანს გული ვატკინო, არ შემიძლია ვისაუბრო თუ ვის რა მიზანი აქვს. მხოლოდ გეტყვით, რომ სასულიერო აკადემიას აქვს თავისი მიზნები და ამოცანები და ამას წარმატებით ასრულებს. ვამაყობთ, რომ აკადემიაში ძალიან ბევრი ღირსეული ადამიანი აღიზარდა და მომავალშიც აღიზირდება და ისინი ჩვენი ქვეყნის სამსახურში იქნებიან. არასოდეს მოხდება, რომ აკადემიამ შეწყვიტოს იმ ამოცანების შესრულება, რაც პატრიარქისგან და მართლმადიდებლური ეკლესიისგან აქვს დაკისრებული“, _ აღნიშნა პროტოპრესვიტერმა გიორგი ზვიადაძემ.
შეგახსენებთ, რომ თბილისის სასულიერო აკადემიისა და სემინარიის კურსდამთავრებულებმა საქართველოს კათოლიკოს-პატრიარქსა და წმინდა სინოდს ღია წერილით მიმართეს, როგორც, ყოფილი სტუდენტები წერილში აღნიშნავენ თბილისის სემინარიაში და აკადემიაში უმძიმესი და გაუსაძლისი მდგომარეობაა, მიმდინარეობს სტუდენტების დაშინება, ფიზიკური და ფსიქოლოგიური შეურაცხყოფა, ასევე კურსდამთავრებულები ღია წერილში აღნიშნავენ, რომ ურჩ პედაგოგებს სახალხოდ სჯიან, რაც გამოიხატება მათი ლექციებიდან ჩამოშორება და ავტოროტეტის შელახვა. რექტორის განსაკუთღებული სამიზნეა დასავლეთის წამყვან უნივერსიტეტბში განათლება მიღებული პედაგოგები.
