„მზიანი გულის მწერალი“ _ წყალტუბოელი ახალგაზრდები ჩოხატაურის კულტურის სასახლის სცენაზე

დღეს, ჩოხატაურის ხელოვნების სასახლემ წყალტუბოს მუნიციპალიტეტის „ბავშვთა და ახალგაზრდულ ცენტრს“ უმასპინძლა. სტუმრებმა წარმოადგინეს ნოდარ დუმბაძის 90 წლისთავისადმი მიძღვნილი ლიტერატურული სპექტაკლი _ „მზიანი გულის მწერალი“. ახალგაზრდებმა სცენაზე გააცოცხლეს პერსონაჟები ნოდარ დუმბაძის ნაწარმოებებიდან: „მე, ბებია, ილიკო და ილარიონი“, „მე ვხედავ მზეს, „თეთრი ბაირაღები“, „მზიანი ღამე“, ნუ გეშინია დედა“.

მოსწავლეებმა, ასევე, წაიკითხეს ლექსები ნოდარ დუმბაძის ლექსების საბავშვო კრებულიდან _ „ლექსებით სავსე ხურჯინი“.

წყალტუბოს ახალგაზრდული სტუდია ეწვია ნოდარ დუმბაძის სახლ-მუზეუმსაც, სადაც საჩუქრად გადასცეს ფოტოალბომი.

ხელოვნების სასახლის ფოიეში კი მოეწყო წყალტუბოს სამხატვრო სკოლის მოსწავლეების მიერ ნოდარ დუმბაძის ნაწარმოებების მიხედვით შესრულებული ნახატების გამოფენა.