სილამაზის საიდუმლო, რომელსაც საგულდაგულოდ მალავდნენ აღმოსავლეთის ულამაზესი ქალები, დღეს ყველასთვის ამოხსნილია. ამ ქვეყანაში ქალები ბავშვობიდანვე სილამაზის ხელოვნების საიდუმლოს ეუფლებიან და ინარჩუნებენ კიდეც მთელი თავისი ცხოვრება.
პირველ რიგში ისინი დიდ უპირატესობას ანიჭებენ მაწონს და იოგურტს. ეს ითვლება ყველაზე ღირებულ პროდუქტად, რადგანაც ხელს უწყობს კანის ინტენსივობას და ამარაგებს კანს სხვადასხვა ვიტამინებითა და მიკროელემენტებით.
ქალები აღმოსავლეთის ქვეყნებში თმის მოვლის განსაკუთრებულ ხერხს მიმართავენ – კონკრეტულად კი ისინი თმას იოგურტში იბანენ, რაც მუდამ ბზინვარებას და ელფერს აძლევს მათ თმას. სხვათაშორის თანამედროვე სტილისტებიც უპირატესობას ანიჭებენ იოგურტს.
თვალებით არავის გაუჭირდება აღმოსავლეთელი ქალების შეცნობა, რადგან თვალები მათი მთავარი იარაღია. აღმოსავლური სტანდარტული სილამაზე ითვლება სქელ წარბებში, რასაც გოგონები ადრეული ბავშვობიდან დიდ ყურადღებას უთმობენ. ხშირი და მჭიდრო წარბები და წამწამები მათ თვალებს კიდევ უფრო გამომხატველ გამომეტყველებას აძლევს.
იმისათვის, რომ კანს ყოველთვის ჰქონდეს გლუვი ეფექტი, ისინი ჭარბი რაოდენობით მოიხმარენ მწვანე ჩაის, რომელიც ორგანიზმიდან გამოყოფს დამაბინძურებელ ტოქსინებს და ხელს უწყობს ჯანსაღ ძილს.
საინტერესოა როგორ ინარჩუნებენ კანის სილამაზესა და სიგლუვეს? სკრაბის სახით ხმარობენ თავად მომზადებულ ყავის სქელი ფენისგან დამზადებულ მალამოს, რომელშიც ცოტა ზეითუნის ზეთს ურევენ და სახეზე 10 წუთი იჩერებენ.
