ალჟირმა საჰარას უდაბნოში გასული 14 თვის განმავლობაში 13 000-ზე მეტი მიგრანტი წყლის და საკვების გარეშე დატოვა და მათ 48 გრადუს სიცხეში, იარაღის მუქარით, სიარულს აიძულებდა. აღნიშნულ ინფორმაციას THE INDEPENDENT ავრცელებს.
მაუწყებლის ინფორმაციით, მომხდარის შესახებ ცნობილი ფარული ვიდეო ჩანაწერით გახდა.
გავრცელებული ცნობით, უდაბნოში რთული პირობებისგან დაღუპული ადამიანების რიცხვი უცნობია.
როგორც ცნობილია, ალჟირმა მიგრანტების გაძევება 2017 წლის ოქტომბრიდან დაიწყო, ევროკავშირის ზეწოლის ფონზე, რომ არ მომხდარიყო მიგრანტების ევროპაში შესვლა ხმელთაშუა ზღვის გავლით ან ესპანეთთან არსებული ღობეებით.
ევროკავშირის წარმომადგენლის განცხადებით, სუვერენულ ქვეყნებს შეუძლიათ მიგრანტების გაძევება, რამდენადაც ის შეესაბამება საერთაშორისო სამართლის ნორმებს.
მაუწყებლის ინფორმაციით, ალჟირს მიგრანტების კრიზისის დასახმარებლად ევროკავშირისგან გამოყოფილი თანხა არ აუღია.
THE INDEPENDENT-ის ცნობით, ალჟირში მიგრანტების ბრალდებებს უარყოფენ.
