ცოტა ხნის წინ ბიოქიმიკოსთა ჯგუფმა იანგის უნივერსიტეტიდან აღმოაჩინა, რომ საკუთარი სიცოცხლის გახანგრძლივება ყველა ადამიანს შეუძლია.
მეცნიერებმა კვლევები ჩაატარეს, რომლის მსვლელობის პროცესში გაარკვიეს, რომ სიცოცხლის გახანგრძლივება და სიბერის პროცესის შენელება ბუნებრივი საშუალებითაა შესაძლებელი, ყოველგვარი ქირურგიული და კოსმეტოლოგიური ჩარევის გარეშე.
ბიოქიმიკოსებმა დაადგინეს, რომ მოხმარებული კალორიების რაოდენობის შემცირება, ანელებს სიბერის პროცესს. ეს რიბოსომების აქტივობის შემცირების წყალობით ხდება, რისი მეშვეობითაც მათ მეტი უჯრედული რესურსი აქვთ თვითაღდგენისთვის. ამას გარდა, დიეტური შიმშილი ხელს უწყობს იმ ცილების გამომუშავებას, რომელიც ეხმარება ახალგაზრდობის გახანგრძლივებას.
მეცნიერთა ჯგუფმა ჯონ პრაისის ხელმძღვანელობით, რომლებიც 30 წლის მანძილზე სწავლობდნენ კავშირს კვებასა და ცხოვრების ხანგრძლივობას შორის, დაადგინეს რომ კალორიების შეზღუდული რაოდენობით მიღებას შეუძლია 40%–ით გაახანგრძლივოს სიცოცხლე.
თავდაპირველად ექსპერიმენტები თაგვებზე ტარდებოდა. შემდეგ ამერიკელმა სპეციალისტებმა მასშტაბური კვლევები ჩაატარეს მაკაკებზე, რამდენადაც ისინი აგებულებით ახლოს დგანან ადამიანებთან. ექსპერიმენტის მიზანი იყო იმის დადგენა, თუ რა გავლენა აქვს დაბალკალორიულ საკვებს მათ დღეგრძელობაზე.
პრაისმა და მისმა კოლეგებმა მაიმუნები ორ ჯგუფად გაყვეს: ერთ ჯგუფს არანაირი შეზღუდვა არ დაუწესეს საკვების მიღებისას. მეორე ჯგუფის რაციონის კალორიულობა კი 35%-ით შეამცირეს.
დაკვირვების შედეგად მეცნიერებმა დაადგინეს, რომ დაბალკალორიული საკვები მაიმუნებს ეხმარება 30 წელი იცოცხლონ, ნაცვლად 26 წლისა. ამას გარდა, მათი დიაბეტით, გულის დაავადებებითა და სიმსივნით ავადობის რისკები მინიმუმამდეა დაყვანილი.
“როდესაც თქვენ კალორიების მიღებას ზღუდავთ, ამ მოქმედებით სიცოცხლეს იხანგრძლივებთ. ჩვენ მივედით იმ დასკვნამდე, რომ ამ შეზღუდვამ რეალური ბიოქიმიური ცვლილებები გამოიწვია ორგანიზმში, რომელიც ხელს უწყობს სიბერის პროცესის შენელებას, ” – ამბობს პრაისი.
