ისტორიული დავა დაიწყო _ სასამართლო უნდა გადაწყვიტოს ვის ეკუთვნის ტახტი _ ბაგრატიონ-გრუზინსკებს თუ და ბაგრატიონ-მუხრანელებს. გარდა ამისა, ანა ბაგრატიონ-გრუზინსკი, ყოფილ მეუღლეს, დავით ბაგრატიონ მუხრანელს სამეფო ოჯახის სახელის ბოროტად გამოყენებასა და ჯილდოებს ბაგრატიონების სახელით უკანონოდ დარიგებაში ადანაშაულებს.
ბაგრატიონ-გრუზინსკების ადვოკატი, ლევან გორელაშვილი არ გამორიცხავს, რომ შეიძლება ცხედრების ექსჰუმაცია გახდეს საჭირო.
„ჩვენ მივმართეთ ლევან სამხარაული ექსპერტიზის ეროვნულ ბიუროს, ხელში მიჭირავს მათი პასუხი, რომლითაც დადასტურებულია, რომ დნმ ანალიზის შედეგად განსაზღვრული მისი ჰაპლოტიპის რომელიმე ჰაპლოჯგუფისადმი მიკუთვნების გზით ნათესაური კავშირის დადგენა არ ხდება.
ეს არის ზუსტად ის, რასაც მთელი ამ პერიოდის განმავლობაში ვამბობდით. იგი გვეპატიჟება მოგზაურობაში, რომლითაც პირთა შორის ნათესაური კავშირის დადგენა არ ხდება, ამიტომ ამ ტიპის ექსპერტიზას სჭირდება, როგორც პეტრე ალექსანდრეს ძეს ექსჰუმაცია, ისე პეტრე პეტრეს ძეს ექსჰუმაცია.
მისი ჭორების გამო, იმისთვის, რომ საზოგადოებაში ეჭვები გაჩნდა, სვეტიცხოვლიდან ორ გვამს ეგზჰუმაციაზე ვერ გავუკეთებთ,“ _ განაცხადა ნუგზარ და ანა ბაგრატიონ-გრუზინსკების ადვოკატმა, ლევან გორელაშვილმა.
დავით ბაგრატიონ-მუხრანელის ადვოკატი ლევან ჩხაიძე აცხადებს, რომ ანა ბაგრატიონ-გრუზინსკი ყოფილი მეუღლის წინააღმდეგ დაწყებულ სასამართლო დავას ვერ მოიგებს. ადვოკატის თქმით, ანა ბაგრატიონ-გრუზინსკის ოჯახი ბაგრატიონების შტოს წარმომადგენლები არ არიან, ახლა კი ამ სასამართლო დავით, სახელმწიფოსგან აღიარებას ითხოვენ.
„სანდო წყაროთი ვიცი,რომ საპატრიარქომ ჩაატარა დნმ კვლევა და ნუგზარ ბაგრატიონი არ არის ბაგრატიონი ის არის სიხარულიძე და იბრალებს გვარს. ეს შედეგები არ არის საჯარო და ახლა წავიდნენ და მიჩივლოს, თუ არ არის სიხარულიძე მომიტანოს დნმ-ის ანალიზის დასკვნა.თვითონ დაადასტუროს, რომ ბაგრატიონია“_ აცხადებს ლევან ჩხეიძე.
