დილას, პოლიტიკური გაერთიანება „ქართული ოცნება-დემოკრატიული საქართველოს“ ცენტრალურ ოფისში უმრავლესობის სხდომის დასრულების შემდეგ, პარტიის ლიდერმა, კახი კალაძემ მიღებული გადაწყვეტილება გაახმოვანა: 2020 წლისთვის შერეული სისტემა შენარჩუნდება და ახლა პოლიტიკურმა პარტიებმა მთელი ძალისხმევა ოქტომბერში გასამართი საპარლამენტო არჩევნების ჩატარებისკენ უნდა მიმართონ.
“ქართული ოცნების“ არგუმენტებით, პროპორციულ სისტემაზე გადასვლას, თავის დროზე, “ნაციონალური მოძრაობა“ ეწინააღმდეგებდა და “ქართულმა ოცნებამ“ პროპორციულ სისტემაზე გადასვლის აუცილებლობა საქართველოს კონსტიტუციის ახალ რედაქციაში გაწერა კიდეც.
“ქართული ოცნება“ მზადაა, არ დააყენოს კანდიდატები იმ ოლქებში, სადაც “ნაციონალური მოძრაობის“ და მისი განაყოფი ფრთების კანდიდატებს, ექნებათ რეალური გამარჯვების შანსი. ამით, კალაძის თქმით, ქართული ოცნება“ ხელს შეუწყობს მრავალფეროვნებას პარლამენტში.
