აშშ-ის პრეზიდენტის თქმით, მსოფლიო დიდ საფასურს იხდის იმისთვის, რაც ჩინეთმა ჩაიდინა, ამის შესახებ cnbc წერს.
თეთრ სახლში დღეს გამართულ პრესკონფერენციაზე დონალდ ტრამპმა ჩინეთის ხელისუფლება კორონავირუსის ეპიდემიის შესახებ მსოფლიოს დაგვიანებულ ინფორმირებაში დაადანაშაულა.
„უკეთესი იქნებოდა, თუ ამის შესახებ რამდენიმე თვის წინ გავიგებდით. შესაძლებელი იქნებოდა ვირუსის შეკავება ჩინეთის იმ რაიონში, სადაც ის გაჩნდა. მსოფლიო დიდ საფასურს იხდის იმისთვის, რაც ჩინეთმა ჩაიდინა“, – განაცხადა დონალდ ტრამპმა.
18 მარტს, აშშ-ის უსაფრთხოების ეროვნულმა საბჭომ ჩინეთის ხელისუფლება ეპიდემიის გაჩენის შესახებ ინფორმაციის დამალვაში დაადანაშაულა.
