რა რეკომენდაციები უნდა გაითვალისწინოთ დაცულ ტერიტორიებზე მოგზაურობისას

დღეიდან საქართველოს ეროვნულ პარკებში შესვლა და მოგზაურობა ნებადართული ხდება.

გთავაზობთ ინფორმაციას, თუ რა რეკომენდაციები უნდა  გაითვალისწინოთ, კორონავირუსის გავრცელების პრევენციისათვის შემუშავებული შეზღუდვების გამო  დაცულ ტერიტორიებზე მოგზაურობისას:

▪შენობებში და დახურულ სივრცეებში (მღვიმეებში), გაიკეთეთ პირბადე, რომელიც კარგად გიფარავთ ცხვირს და პირს;

▪ ვიზიტორთა ცენტრში შესაძლებელია ერთდროულად 5 ვიზიტორის ყოფნა;

▪დაიცავით ფიზიკური დისტანცია მინიმუმ 2 მეტრი;

▪რეკომენდირებულია თანხის გადახდა უკონტაქტო გზით ან შეიძინეთ ბილეთები დისტანციურად https://guru.ge/ -ზე

საქართველოს ეროვნული პარკების მიხედვით კი ზოგადი რეკომენდაციები ასეთია:

▪თუ თავს ცუდად გრძნობთ, არ შეხვიდეთ ტერიტორიაზე და დაუყოვნებლივ მიმართეთ ექიმს;

▪ მოერიდეთ ახლო კონტაქტს ადამიანებთან, ვისაც აღენიშნება ცემინება და ხველა;

▪ ხშირად დაიმუშავეთ ხელები სპირტის შემცველი სადეზინფექციო საშუალებით მინიმუმ 20 წამის განმავლობაში, ან თუ შესაძლებელია, დაიბანეთ ხელები საპნითა და წყლით.

▪ მოერიდეთ პირზე, ცხვირსა და თვალებზე ხელის შეხებას;

▪ ხველისა და ცემინებისას, პირზე და ცხვირზე, აიფარეთ ერთჯერადი ხელსახოცი ან მოხრილი იდაყვი;

▪გამოყენებული ხელსახოცი დაუყოვნებლივ გადააგდეთ სანაგვე ყუთში და მაშინვე დაიმუშავეთ ხელები სპირტის შემცველი ხსნარით, ან თუ შესაძლებელია, დაიბანეთ საპნით.