გაერთიანებული ერების ორგანიზაციის გენერალური მდივნის მოადგილემ, ამინა მოჰამედმა, პარასკევს გამართულ საერთაშორისო ფორუმზე განაცხადა, რომ საზოგადოებას არ შეუძლია დაუბრუნდეს “წინა ნორმალურ ცხოვრებას”, რადგან პანდემიამ სოციალურ ეკონომიკაზე გავლენა მოახდინა.
„ჩვენ უნდა გავითვალისწინოთ ვითარების სიმძიმე”, – თქვა მოჰამედმა და აღნიშნა, რომ „ზოგიერთ რეგიონში ნორმალურობის დაბრუნებამ უსაფრთხოების ცრუ გრძნობა არ უნდა გაგვიჩინოს”.
მოჰამედმა თქვა, რომ მრავალი ქვეყნისთვის, პანდემიის ყველაზე უარესი პერიოდი ჯერ არ დამდგარა და შრომის საერთაშორისო ორგანიზაციის შეფასებით, შეიძლება დაიკარგოს 300 მილიონი სამუშაო ადგილი – ციფრი, რომელიც 15-ჯერ მეტია ვიდრე 2008 წლის ფინანსური კრიზისის პირობებში დაკარგული სამუშაო ადგილები.
დღემდე, კორონავირუსით დაინფიცირდა 9 მილიონზე მეტი ადამიანი და დაიღუპა 472,000-ზე მეტი მსოფლიოში.
მსოფლიო ბანკის ცნობით, 70-დან 100 მილიონამდე ადამიანი შეიძლება აღმოჩნდეს ექსტრემალურ სიღატაკეში და მსოფლიოში შეიძლება ერთ სულ მოსახლეზე შემოსავლი მწვავედ შემცირდეს.
გაეროს მსოფლიო სურსათის პროგრამამ (WFP) კიდევ ერთხელ განაცხადა, რომ 265 მილიონი ადამიანმა შეიძლება წლის ბოლოდან განიცადონ მწვავე კვების დაუცველობა და ეს გაორმაგებული ციფრია ვიდრე კრიზისამდე იყო..
”COVID-19 პანდემიამ დაგვანახა, რომ 2030 წლის დღის წესრიგი და SDG- ების [მდგრადი განვითარების მიზნები] უფრო აქტუალური და სასიცოცხლო მნიშვნელობისაა, ვიდრე ოდესმე,”- თქვა მოჰამედმა.
