,,ნიშნის მოგებით არ ვამბობ, ადამიანურად და პოლიტიკურადაც გრიგოლ ვაშაძის გამო ვარ შეწუხებული, იმიტომ, რომ როგორც პოლიტიკოსი ის, ფაქტობრივად აღარ არსებობს“- ასე შეაფასა „ნაციონალური მოძრაობის” წევრმა ლევან ხაბეიშვილმა პარტიის ყოფილი თავმჯდომარის გრიგოლ ვაშაძის მიერ შარლ მიშელის პოლიტიკურ პარტიებს შორის შეთანხმების დოკუმენტზე ხელმოწერას.
მან აღნიშნა, რომ გრიგოლ ვაშაძე, „როგორც ადამიანი, საწუხაროდ მოიქცა ისე, რომ მას არ შეუძლია ყოფილ თანაგუნდელებს თვალებში ჩახედოს, რადგან ბრძოლის ხაზზე მდგომი მისი კოლეგები არც კი მოიკითხა ყველაზე მძიმე პერიოდში“.
„გულწრფელად ვწუხვარ, მათ შორის ადამიანურად ბატონი გრიგოლის გამო. საზოგადოება ამას კარგად შეფასებს – სამწუხაროა და ვფიქრობ, ტრაგიკულიც, იმ პარტიის თავმჯდომარე, რომლისაც თავად იყო, დღეს მძევლად არის აყვანილი. ეს კაცი ამ პარტიის თავმჯდომარე იყო. ნიკა მელიას დაკავებისას, ამ ბრძოლების პროცესში მას ერთხელაც არ გასჩენია სურვილი სოლიდარული ყოფილიყო მისი თანადგუნდელის ან თანაგუნდელების მიმართ. მეტიც, ამომრჩევლისთვის, იმ ხალხისთვისაც კი ვინც წლების განმავლობაში, მისი საპრეზიდენტო კანდიდატობის დროს 24 – საათიან რეჟიმში ტერორისა და მუქარის რეჟიმში მუშაობდა, განცხადება არ გაუკეთებია. ამიტომ, როგორც მორალურად, ისე პოლიტიკურად გულწრფელად ვწუხვარ ამ ადამიანის გამო, რომელმაც რამდენიმეთვიანი ე.წ. პაუზის შემდეგ დოკუმენტს ხელი საჯაროდ მოაწერა იმ პირობებში, როდესაც ნიკა მელია ჯერ კიდევ მძევლად არის აყვანილი,“ – განაცხადა ხაბეიშვილმა.
ლევან ხაბეიშვილის თქმით, სამწუხაროდ, ტრაგიკულია, როდესაც პოლიტიკოსები ასე იქცევიან.
მისივე თქმით, პოლიტიკურად გრიგოლ ვაშაძელე ფაქტობრივად აღარ არსებობს
,,ნიშნის მოგებით არ ვამბობ, ადამიანურად და პოლიტიკურადაც გრიგოლ ვაშაძის გამო ვარ შეწუხებული, იმიტომ, რომ როგორც პოლიტიკოსი ის, ფაქტობრივად აღარ არსებობს. ჩვენდა სამწუხაროდ, ტრაგიკულია, როდესაც პოლიტიკოსები ასე იქცევიან. როდესაც ადამიანების მხარდაჭერა სჭირდებათ, იღებენ მხარდაჭერას და შემდეგ უკვე უპასუხისმგებლოდ იქცევიან. მეტიც, ამ ადამიანებს აღარც კი ესაუბრებიან. ამასობაში ჩვენ აღმოვაჩინეთ, რომ როგორც ჩანს, ბატონი გრიგოლისთვის მნიშვნელოვანი ყოფილა უპირობოდ პარლამენტში შესვლა. არადა, ამ თვეების განმავლობაში ბრძოლამ მინიმუმ ის მოიტანა, რომ მთელი მსოფლიო საუბრობს პოლიტიკურ დევნაზე, რაც რამდენიმე წელია საქართველოში პოლიტიკურ ოპონენტებზე მიმდინარეობს,“ – აცხადებს ხაბეიშვილი.
ცნობისთვის, დღეს “ნაციონალური მოძრაობის“ ყოფილმა თავმჯდომარე გრიგოლ ვაშაძე, ევროკავშირის წარმომადგნლობში მივიდა , პოლიტიკური პარტიებისთვის შეთანხმების ახალ დოკუმენტს, ხელი მოაწერა, რომელიც ევრობაჭოს პრეზიდენტმა შარლ მიშელმა პოლიტიკურ სპექტრს გუშინ წარუდგინა.
შეგახსენებთ, რომ შარლ მიშელის დოკუმენტზე – „საქართველოს წინსვლის გზა“ ხელისუფლებასა და ოპოზიური პარტიების ნაწილს შორის შეთანხმება შედგა.
შარლ მიშელის შეთახმების ახალი ტექსტს, ხელი მოაწერა ,,ქართულმა ოცნებამ“.
ასევე, ოპოზიციური ოპოზიციური პარტიებიდ დოკუმენტს ხელი მოაწერეს: “ლელოს“ ლიდერებმა – ბადრი ჯაფარიძემ და მამუკა ხაზარაძემ, „მოქალაქეების“ თავმჯდომარე ალეკო ელისაშვილმა „სტრატეგია აღმაშენებლის“ თავმჯდომარემ გიორგი ვაშაძე, „გირჩის“ ერთ-ერთმა ლიდერმა ვახტანგ მეგრელიშვილმა და “რესპუბლიკური პარტიის“ თავმჯდომარე ხათუნა სამნიძემ
დოკუმენტზე ინდივიდუალურად ხელი მოაწერა „ნაციონალური მოძრაობის“ წევრმა სალომე სამადაშვილმა, პარლამენტის დამოუკიდებელმა წევრმა დავით ბაქრაძემ, „გირჩი – მეტი თავისუფლებისთვის“ თავმჯდომარე ზურაბ ჯაფარიძემ, არმაზი ახვლედიანმა და ,,ნაციონალური მოძრაობის“ ყოფილა თავჯდომარემ გრიგოლ ვაშაძემ
შარლ მიშელის დოკუმენტს ამ ეტაპზე ხელს არ აწერს, „ნაციონალური მოძრაობა“ და „ევროპული საქართველო“.
ცნობისთვის, საქართველოში ევროკავშირის წარმომადგენლობის ოფისი ღიაა პარლამენტის ყველა არჩეული წევრისთვის, რომელსაც შეთანხმების დოკუმენტზე ხელი ჯერ კიდევ არ მოუწერია.
