უნგრეთის ხელისუფლებამ არ გაითვალისწინა ევროკომისიის მოწოდება ქვეყანაში მიღებული ახალი ანტი-ლგბტ კანონის გაუქმების შესახებ. ამის შესახებ სააგენტო Reuters-ი წერს.
„ბრიუსელს სურს, რომ ჩვენ ლგბტ-აქტივისტები სკოლებსა და საბავშვო ბაღებში შევუშვათ, ჩვენ კი ამის გაკეთება არ გვსურს“, – განაცხადა უნგრეთის პრემიერ-მინისტრის ადმინისტრაციის ხელმძღვანელმა, გერგეი გუიაშმა.
როგორც გამოცემა წერს, ევროკავშირმა უკვე დაიწყო გამოძიება უნგრეთის წინააღმდეგ დემოკრატიისთვის ძირის გამოთხრის ბრალდებით. სავარაუდოდ, უნგრეთის კონსერვატიული მოკავშირე – პოლონეთი ვეტოს დაადებს ევროკავშირის მხრიდან მაქსიმალურ სასჯელს, რომელიც ბუდაპეშტისთვის ხმის უფლების დროებით ჩამორთმევას ითვალისწინებს.
ცნობისთვის, 15 ივნისს უნგრეთის პარლამენტმა კანონი მიიღო, რომელიც სკოლებსა და საბავშვო ტელეარხებში LGBT მასალებს კრძალავს. ახალი კანონის მიხედვით, სასკოლო სახელმძღვანელოებსა და საბავშვო ტელეარხებში აიკრძალება ისეთი სიტყვების გამოყენება, როგორიცაა LGBT თემი, სექსუალური უმცირესობა და ა.შ.
უნგრეთის პრემიერ-მინისტრი ვიქტორ ორბანი აცხადებს, რომ ახალი კანონი ბავშვების დაცვაზეა ორიენტირებული და არ არღვევს სექსუალური უმცირესობების უფლებებს.
7 ივლისს ევროკომისიის პრეზიდენტმა, ურსულა ფონ დერ ლაიენმა უნგრეთის ხელისუფლებას ანტი-ლგბტ კანონის გაუქმებისკენ მოუწოდა და აღნიშნა, რომ უნგრეთი ევროკავშირის კანონმდებლობის სრული ძალის წინაშე აღმოჩნდება, თუ უკან არ დაიხევს
“ჰომოსექსუალობა გაიგივებულია პორნოგრაფიასთან. ეს კანონმდებლობა იყენებს ბავშვთა დაცვას საბაბად, რომ დისკრიმინაცია გაუწიონ ხალხს სექსუალური ორიენტაციის გამო.
”ეს სირცხვილია”, – განუცხადა ევროპარლამენტს ევროკავშირის აღმასრულებელი კომისიის ხელმძღვანელმა ურსულა ფონ დერ ლეიენმა.
ივნისში, ევროკავშირის ლიდერებმა დახურულ კარს მიღმა, უნგრეთის პრემიერ-მინისტრი ვიქტორ ორბანი დაძაბული დისკუსიის დროს გააკრიტიკეს, ჰოლანდიის პრემიერ-მინისტრმა მარკ რუტემ ოფიციალური ბუდაპეშტს უთხრა, რომ პატივი ცენ ტოლერანტობის ევროკავშირის ღირებულებებს ან დატოვონ ბლოკი.
Reuters-ი ინფორმაციით, კომისიას შეუძლია გახსნას ახალი იურიდიული საქმე უნგრეთის წინააღმდეგ ევროსასამართლოში ან გამოიყენოს ახალი მექანიზმი, რომელიც მიზნად ისახავს კანონის უზენაესობის დაცვას ბლოკში, იმ ქვეყნების დაფინანსების გაყინვით, რომლებიც ძირს უთხრის დემოკრატიულ სტანდარტებს.
ორბანმა, რომელსაც მომავალი წლის ეროვნული არჩევნები ემუქრება, აცხადებს, რომ ახალი კანონი მიზნად ისახავს ბავშვების დაცვას და არ წარმოადგენს დისკრიმინაციას სექსუალური უმცირესობების მიმართ.
ავტორი: მერაბ ცაავა
