,,COVID 19-მა იმდენი ამერიკელი იმსხვერპლა, რამდენიც 1918–1919 წლებში ესპანური გრიპის პანდემიამ _ დაახლოებით, 675 000 ადამიანი“, _ ამის შესახებ ინფორმაციას Associated press ავრცელებს.
გამოცემა, ასევე წერს, რომ ერთი საუკუნის წინ აშშ-ს მოსახლეობა, იმის მესამედი იყო, რაც დღეს არის. ეს კი იმას ნიშნავს, რომ გრიპმა ქვეყანას გაცილებით დიდი სასიკვდილო დარტყმა მიაყენა, თუმცა, როგორც AP წერს, კორონავირუსის პანდემია, თავის მხრივ, კოლოსალური ტრაგედიაა, განსაკუთრებით მისი მასშტაბებისა და ვაქცინის ხელმისაწვდომობის გათვალისწინებით.
როგორც Associated press წერს, ესპანური გრიპის მსგავსად, კორონავირუსი შესაძლოა, სრულად არ გაქრეს. ამის ნაცვლად, მეცნიერები იმედოვნებენ, რომ ის მსუბუქ სეზონურ ვირუსად გადაიქცევა, რადგან ადამიანის იმუნიტეტი გაძლიერდება ვაქცინაციით და განმეორებითი ინფექციის დროს. ამას შეიძლება დრო დასჭირდეს.
ასევე, გამოცემა აღნიშნავს, რომ ჯონ ჰოპკინსის უნივერსიტეტის მიერ მონაცემების მიხედვით, ინფექციების დელტა ვარიანტის ზრდა ინფექციის პიკს აღწევს, აშშ-ში დაღუპულთა რიცხვი საშუალოდ დღეში 1,900-ს აღწევს, რაც ყველაზე მაღალია მარტის დასაწყისიდან. ორშაბათს ქვეყნის საერთო რიცხვმა კი 675,000-ს გადააჭარბა. თუმცა, ითვლება, რომ რეალური რიცხვი უფრო მაღალია.
Associated press წერს, რომ 1918-19 წლებში ესპანურმა გრიპმა გლობალურად 50 მილიონი ადამიანის სიცოცხლე იმსხვერპლა. ამ წლებში დედამიწის მოსახლეობა ახლანდელის ¼ იყო. მსოფლიოში კორონავირუსით კი 4.6 მილიონ ადამიანზე მეტი გარდაიცვალა.
სტატიაში ასევე აღნიშნულია, რომ მოგზაურობისა და მასობრივი მიგრაციის გამო, კორონავირუსის პანდემიის მასშტაბები შესაძლოა, გაიზარდოს. ამას კი ემატება ისიც, რომ მსოფლიო მოსახლეობის უმეტესობა აუცრელია.
გლობალურად ვაქცინაციის, სულ მცირე, ერთი დოზა მხოლოდ 43%-მა მიიღო.
[sexy_author_bio]
