თვითმმართველობის არჩევნებამდე 1 დღე რჩება.
ცოტა ხნის წინ, ჩოხატაურში ავტომობილები სიგნალით და საქართველოსა და „ქართული ოცნების“ დროშებით გადაადგილდებოდნენ.
რას აღნიშნავს “ქართული ოცნება” არჩევნებამდე 1 დღით ადრე ჩოხატაურში, _ ამის გარკვევა ფრაქცია „ქართული ოცნება-დემოკრატიული საქართველოს“ თავმჯდომარესთან, ბექა გამდლიშვილთან ვცადეთ.
„არ ვიცი. ვერ გაგცემთ პასუხს. არ ვარ ამ შემთხვევაში კომპეტენტური“,_ გვითხრა გამდლიშვილმა.
ჩვენ ინფორმაციის მიღება თავმჯდომარის მოადგილისგან, ქეთევან სიხარულიძესგანაც ვცადეთ.
როგორც აღმოჩნდა, საქმის კურსში არც ის იყო.
„არ ვიცი, სოფელში ვარ“,_ გვითხრა სიხარულიძემ.
როგორც “ქართული ოცნების” ორგანიზაციაში გვითხრეს, ამ მსვლელობით “ქართული ოცნების” ახალგაზრდული ფრთა ასრულებს საარჩევნო კამპანიას.
[sexy_author_bio]
