გუშინ ოზურგეთის მუნიციპალიტეტის დაბა ნასაკირალში დაიწვა საბავშვო ბაღის შენობა, სადაც საარჩევნო უბანი (60/59) იყო განთავსებული.
ოზურგეთის საოლქო საარჩევნო კომისიის თავმჯდომარის ბერდია ლომიძის ინფორმაციით, საარჩევნო უბანი ახალაშენებული სკოლის შენობაში განთავსდა და კენჭისყა იქ გაიმართება.
“უკვე ყველა დეტალი გავიარეთ. მივმართეთ ოზურგეთის საგანმანათლებლო რესურსცენტრს და მოგვცეს უფლება ნასაკირალის სკოლის შენობაში ყოფილიყო საარჩევნო უბანი“, _ გვითხრა ბერდია ლომიძემ.
ინფორმაციისთვის: დაბა ნასაკირალში ორი საარჩევნო უბანია.
[sexy_author_bio]
