ვინ არის ელიზავეტა იასკო და საიდან გაჩნდა ვერსია “ტრუსკავეცი“

ელი­ზა­ვე­ტა (ლიზა) იას­კო, 1990 წლის 17 ოქ­ტომ­ბერს დაიბადა და საქართველოში მას შემდეგ გახდა ძალიან პოპულარული, რაც ყოფილმა პრეზიდენტმა მიხეილ სააკაშვილმა მასთან ახალი ოჯახის შექმნის შესახებ ისაუბრა. წყვილის მიერ ჩაწერილი ვიდეოფირი სააკაშვილის დაკავებიდან ერთ საათში გავრცელდა სოციალურ ქსელებში.

“მე და ლი­ზამ გა­დავ­წყვი­ტეთ შე­ვა­ტყო­ბი­ნოთ ყვე­ლას, რომ ჩვენ ვართ ერ­თად. ჩვენ ვი­წყებთ ახალ ცხოვ­რე­ბას, ვქმნით ახალ ოჯახს. მოხ­და ისე, რომ მე მქონ­და ძა­ლი­ან მა­გა­რი ცხოვ­რე­ბაც, წარ­სუ­ლიც. ისე გა­მო­ვი­და, რომ ამ წლე­ბის გან­მავ­ლო­ბა­ში ჩვენ შევ­ხვდით ერ­თმა­ნეთს. მი­უ­ხე­და­ვად ყვე­ლა წინა ურ­თი­ერ­თო­ბი­სა, რომ­ლის­თვი­საც მად­ლო­ბე­ლი ვარ ყვე­ლა­სი. ამა­ზე ვფიქ­რობ ბევ­რს, მაგ­რამ მე და ლიზა ვართ ერ­თად. ჩვენ გვაქვს ერ­თობ­ლი­ვი ოჯა­ხი და გვინ­და, რომ ყვე­ლას უსურ­ვოთ ბედ­ნი­ე­რე­ბა“, _ მიხეილ სააკაშვილის ეს სიტყვები შო­კის­მომ­გვრე­ლი აღ­მოჩ­ნდა მათთვის, ვინც ორი კვირის წინ აღფრთოვანებული შეჰყურებდა ფოტოებს საბერძნეთიდან – ექსპრეზიდენტი სანდრა რულოვსთან და შვილთან ერთად, ოჯახურ იდილიაში ისვენებდა.

ლიზა უკ­რა­ი­ნე­ლი პო­ლი­ტი­კო­სი, კულ­ტუ­რულ საქ­მე­თა ექ­სპერ­ტი და კი­ნოპ­რო­დი­უ­სე­რია. 2019 წლის 29 აგ­ვის­ტო­დან ქალი უკ­რა­ი­ნის უმაღ­ლე­სი რა­დის წევ­რი და სა­პარ­ლა­მენ­ტო დე­ლე­გა­ცი­ის ხელ­მძღვა­ნე­ლია ევ­რო­საბ­ჭო­ში.

ლი­ზა­სა და სა­ქარ­თვე­ლოს ექ­სპრე­ზი­დენ­ტის რო­მან­ზე რუ­სუ­ლი მე­დია ჯერ კი­დევ რამ­დე­ნი­მე თვის წინ წერ­და. მედიის ცნობით, “წყვი­ლი, ლეს­ნიკ­ში მდე­ბა­რე სა­ა­კაშ­ვი­ლის ფე­შე­ნე­ბე­ლურ სახ­ლში ცხოვ­რობ­და. ამ სახლის შესახებ, მიხეილ სააკაშვილის დედა გიული ალასანია წერდა, რომ მან შეიძინა ნახევარ მილიონამდე დოლარად პროფესორის და “საქართველოს უნივერსიტეტის“ მფლობელის ხელფასით.

.წყვილის პირ­ვე­ლი ერ­თობ­ლი­ვი ფო­ტო­ე­ბი ჯერ კი­დევ ივ­ნის­ში გა­მოქ­ვეყ­ნდა, თუმ­ცა, ძი­რი­თა­დად გა­და­ღე­ბუ­ლი იყო საქ­მი­ან შეხ­ვედ­რებ­სა და სა­ერ­თო გა­რე­მოც­ვა­ში, მი­ხე­ილ სა­ა­კაშ­ვი­ლის სახ­ლთან, რო­მე­ლიც კი­ევ­თან ახ­ლოს მდე­ბა­რე­ობს. წყვი­ლი ზა­ფხუ­ლი­დან მო­ყო­ლე­ბუ­ლი ერ­თა­დაა და მათ სე­რი­ო­ზუ­ლი ურ­თი­ერ­თო­ბა აქვთ”, _ წერ­და გა­მო­ცე­მა.

“იას­კომ არა­ერ­თხელ და­ა­ყე­ნა სა­კი­თხი ყი­რიმ­ში უკ­რა­ი­ნუ­ლი ენის და­კარ­გვის საფრ­თხის შე­სა­ხებ, ევ­რო­პა­ში ადა­მი­ა­ნის უფ­ლე­ბე­ბის დამ­ცველ სა­ზო­გა­დო­ე­ბას­თან, რო­გორც თა­ვად კო­მი­სარ­თან, აგ­რეთ­ვე, სა­ერ­თა­შო­რი­სო სა­ზო­გა­დო­ე­ბის წევ­რებ­თან, ვი­საც ეს თემა ეხე­ბო­და. ყო­ვე­ლი ასე­თი ჩარ­თვი­სას, ის სა­ა­კაშ­ვი­ლის კა­ბი­ნეტ­ში იჯდა, უკ­რა­ი­ნულ–ქარ­თუ­ლი პო­ლი­ტი­კუ­რი წიგ­ნე­ბის ბიბ­ლი­ო­თე­კის ფონ­ზე“, _ წერს გა­მო­ცე­მა, რომ­ლის ინ­ფორ­მა­ცი­ი­თაც, ბოლო დროს იასკომ და სა­ა­კაშ­ვილ­მა არა­ერ­თი ერ­თობ­ლი­ვი ვი­დე­ო­მი­მარ­თაც გა­ავ­რცე­ლეს.

.Strana.ua, აგ­რეთ­ვე წერს, რომ იას­კომ ნო­ემ­ბრის და­სა­წყის­ში Covid 19-ის ტესტზე და­დე­ბი­თი პა­სუ­ხი მი­ი­ღო, აქე­დან რამ­დე­ნი­მე კვი­რა­ში და­ინ­ფი­ცირ­და მი­ხე­ილ სა­ა­კაშ­ვი­ლიც.

“რის შემ­დე­გაც წყვი­ლი სა­ა­კაშ­ვი­ლის სახ­ლი­დან სხვა­დას­ხვა ფოტო და ვი­დე­ო­მას­ლას ტვირ­თავ­და ლი­ზას საყ­ვა­რელ ძაღ­ლთან, ჩაკ­რას­თან ერ­თად, რო­მე­ლიც მას იუ­ბი­ლე­ზე აჩუ­ქეს“, _ წერს გა­მო­ცე­მა, რომ­ლის­ვე ცნო­ბი­თაც, უკ­რა­ი­ნის პარ­ლა­მენ­ტში წყვი­ლის კო­ლე­გე­ბის­თვის ამ რო­მა­ნის შე­სა­ხებ უკვე ცნო­ბი­ლია.

ლი­ზას შე­სა­ხებ ინ­ფორ­მა­ცია ვი­დე­ოს გა­მოქ­ვეყ­ნე­ბამ­დე მი­ხე­ილ სა­ა­კაშ­ვილს არა­სო­დეს და­უ­დას­ტუ­რე­ბია. პი­რი­ქით, ის პე­რი­ო­დუ­ლად ჩნდე­ბო­და სან­დრა რუ­ლოვსთან ერ­თად. თუმ­ცა, წლე­ბია და­დის ჭო­რე­ბი, რომ ისი­ნი ურ­თი­ერ­თო­ბას მხო­ლოდ სა­ზო­გა­დო­ე­ბა­ში, ოფი­ცი­ა­ლუ­რად ინარ­ჩუ­ნებ­დნენ.

სა­ინ­ტე­რე­სოა ის ფაქ­ტიც, რომ მას შემ­დეგ რაც გავ­რცელ­და ინ­ფორ­მა­ცია, რომ ექ­სპრე­ზი­დენ­ტი სა­ქარ­თვე­ლო­ში იმ­ყო­ფე­ბო­და, მა­მუ­კა მდი­ნა­რა­ძემ ბრი­ფინგზე გა­ნა­ცხა­და, რომ სა­ა­კაშ­ვი­ლი რე­ა­ლუ­რად ტრუს­კა­ვეც­ში იმ­ყო­ფე­ბო­და. რო­გორც ჩანს ეს ვერ­სია მმარ­თველ გუნდს მას შემ­დეგ გა­უჩ­ნდა, რაც ლიზა სო­ცი­ა­ლურ ქსელ­ში ტრუს­კა­ვეც­­ში მო­ი­ნიშ­ნა.

გამოყენებულია მასალები სოციალური მედიიდან და პორტალიდან ambebi.ge