როგორც „გურია ნიუსს“ შეატყობინეს, ჩოხატაურის #62 საარჩევნო ოლქის #14 კოხნარის საარჩევნო უბანზე საარჩევნო ბიულეტენების რაოდენობა არჩევნებზე მისული ამომრჩევლის რაოდენობას არ დაემთხვა.
„ჩვენი წარმომადგენელი დაგვიკავშირდა და გვითხრა, რომ ხელმოწერები და გადათვლილი ბიულეტენების რაოდენობა ერთმანეთს არ დაემთხვა“, _ გვითხრეს ერთ-ერთი პარტიის ოფისში.
სადაც გვითხრეს ისიც, რომ აპირებდნენ ბიულეტენების ხელახლა გადათვლას და თუ ისევ არ დაემთხვეოდა, მოითხოვდნენ საარჩევნო უბნის გაუქმებას.
„გურია ნიუსი“ კოხნარის საარჩევნო უბნის თავმჯდომარეს მედეა ტრაპაიძეს დაუკავშირდა.
როგორც ტრაპაიძემ გვითხრა, ბიულეტენების ხელახლა გადათვლის შემდეგ ბიულეტენებისა და ხელმომწერების რაოდენობა თანაბარი აღმოჩნდა.
„გადათვლაში იყო შეცდომა. ცდომილება არ არის, _ გვითხრა ტრაპაიძემ.
