“თუ რუსეთი უკრაინაში შეიჭრება, შეიქმნება ვითარება, რომელშიც რუსეთის ჯარი უკვე იყო ჩეჩნეთში, საბჭოთა ჯარი კი _ ავღანეთში”, _ განაცხადა დიდი ბრიტანეთის საგარეო საქმეთა მინისტრმა ლიზ ტრასმა ავსტრალიაში ვიზიტის დროს, _ ამის შესახებ “Европейская правда” იუწყება.
“უკრაინა გრძელი ისტორიის მქონე ამაყი ქვეყნაა. დაწყებული მონღოლებიდან ისინი იცნობენ დამპყრობლებს.
თუ საჭირო გახდება, უკრაინა იბრძოლებს და დაიცავს საკუთარ ქვეყანას”.
ბრიტანელი დიპლომატის თქმით, მოსკოვმა მიიღო მკაფიო სიგნალი, რომ მის მიერ უკრაინაში ყველა შემდგომ შეჭრა გამოიწვევს მასშტაბური შედეგებს, მათ შორის, მკაცრ სანქციებს ფინანსური სექტორის და ცალკეული პერსონების მიმართ.
“რუსეთმა ვერ აითვისა ისტორიის გაკვეთილები. იგი ოცნებობს საბჭოთა კავშირის აღდგენასა თუ “დიდი რუსეთის” შექმნაზე. ისინი ამტკიცებენ, რომ სურთ სტაბილიზაცია, მაგრამ ემუქრებიან სხვებს და დესტაბილიზაციას ქმნიან სხვა ქვეყნებში.
ჩვენ ვიცით, რას ნიშნავს ეს გზა, ვიცით რამდენი ადამიანის მსხვერპლი მოყვე ამ გზას. ამიტომ მოვუწოდებთ პუტინს, უარი თქვას უკრაინაზე და არ დაუშვას უზარმაზარი სტრატეგიული შეცდომა”, _ განაცხადა ლიზ ტრასმა.
