დღეს, თბილისის დროით 20:30 საათზე, მეორე მატჩს გამართავს საქართველოს ეროვნული ფუტსალის ნაკრები. ნინდერლანდებში მიმდინარე ევრო 2022-ის მეორე ტურში, ჩვენი ნაკრები ასევე დებიუტანტ, ბოსნია ჰერცოგოვინას დაუპირისპირდება და გამარჯვების შემთხვევაში ჯგუფიდან გასვლას შეძლებს, რაც რათქმაუნდა უდიდესი წარმატება იქნება ასეთ დიდ ტურნირზე პირველად მონაწილე გამოუცდელი ნაკრებისთვის.
შეგახსენებთ, რომ პირველ მატჩში ჩვენმა ნაკრებმა დაძაბულ ბრძოლაში მეზობელი აზერბაიჯანის ნაკრები დაამარცხა 3:2, ხოლო ბოსნია ესპანეთთან დამარცხდა 1:5.
მესამე ტურის მატჩები 29 იანვარს ჩატარდება. საქართველო ტურნირის ერთ-ერთ ფავორიტ ესპანეთს, ხოლო აზერბაიჯანი ბოსნია ჰერცოგოვინას დაუპირისპირდება.
დღევანდელი რეპორტაჟის ყურება მაყურებელს პირველი არხის ეთერით შეეძლება.
