უკრაინის არმიამ რუსეთის მეასე თვითმფრინავი გაანადგურა. ამის შესახებ უკრაინის საჰაერო ძალებში განაცხადეს.
მათი განცხადებით, 22 მარტს უკრაინის საჰაერო ძალებმა გაანადგურეს მოწინააღმდეგის ექვსი თვითმფრინავი, ერთი ვერტმფრენი, ხუთი უპილოტო საფრენი აპარატი (UAV) და ხუთი რაკეტა.
“საზენიტო თავდაცვის ქვედანაყოფები არ გაჩერებულან. ჩამოაგდეს მე-100 რუსული თვითმფრინავი და მტერს მნიშვნელოვანი დანაკარგები მიაყენეს ჰაერში”,- განაცხადა უკრაინის საჰაერო ძალების სარდლობის სპიკერმა.
