ჩხართვი, გურიაში რომ ყველა ჩხარტას ეძახის, უმეტესად ბუდეს ხეზე იკეთებს. თუმცა არც ისე იშვიათად სახლების, ნალიების თუ სხვა ნაგებობის ისეთ კუთხეს ნახულობს, სადაც მეტი სიმყუდროვეა.
ამ ბარტყების დედამ, გურიის ერთ-ერთ სოფელში, ნალიის კუთხეში ამოაშენა ბუდე და დაგვიანებული გაზაფხულის პირობაზე, როგორც აქ იტყვიან, „მაინც დროულად მოასწრო კეკიობა“. პირღია ბარტყების ტრიო, (მეოთხეს ჯერ არ უხილავს მზის სინათლე) უცნაურ, თითქოს, შიშინა ბგერებს წარმოთქვამს…
და, აჰა დედაც მოფრინდა… ფოტოაპარატის ხმაზე, არათუ დაფრთხა, თავი უფრო მხნედ დაიჭირა, – დედაშვილობის იდუმალი ძალა, დიდი თუ მცირეოდენი ხიფათის დროსაც კი, ყველა სულიერს ათავისუფლებს შიშისგან…
ავტორი
