უკრაინის პრეზიდენტმა ვლადიმირ ზელენსკიმ რუსეთი 22 მილიონი ტონა საკვები პროდუქტების ექსპორტის ბლოკირებაში დაადანაშაულა.
პრეზიდენტის თქმით, თუ პორტები არ განბლოკეს, ბევრ ქვეყანას სასურსათო კრიზისი შეექმნება.
„მსოფლიო საზოგადოებამ უნდა დაეხმაროს უკრაინას საზღვაო პორტების განბლოკვაში, წინააღმდეგ შემთხვევაში ენერგეტიკულ კრიზისს მოჰყვება სასურსათო კრიზისი და მას კიდევ ბევრი ქვეყანა შეექმნება.
რუსეთმა დაბლოკა თითქმის ყველა პორტი და ყველა, ასე ვთქვათ, საზღვაო შესაძლებლობა საკვების ექსპორტისთვის – ჩვენი მარცვლეული, ქერი, მზესუმზირა და სხვა ბევრი რამ.
მსოფლიოში კრიზისი იქნება. მეორე კრიზისი ენერგეტიკის შემდეგ, რომელიც რუსეთის მიერ იყო პროვოცირებული. ახლა სასურსათო კრიზისს შექმნის, თუ უკრაინის მარშუტებს განვბლოკავთ, არ დავეხმარებით ქვეყნებს აფრიკაში, ევროპის ქვეყნებს, აზიაში, რომლებსაც ეს საკვები პროდუქტები სჭირდებათ.
მათი განბლოკვა შეგიძლიათ სხვადასხვა გზით. ერთ-ერთი გზა არის სამხედრო გადაწყვეტა. სწორედ ამიტომ მივმართავთ ჩვენს პარტნიორებს შესაბამისი იარაღთან დაკავშირებით“ – თქვა ზელენსკიმ, კიევში პორტუგალიის პრემიერ-მინისტრთან ანტონიო კოსტასთან მოლაპარაკების შემდეგ მედიასთან შეხვედრისას.
ზელენსკიმ ასევე დაადანაშაულა მოსკოვი საკვები პროდუქტების “ეტაპობრივ მოპარვაში” და მათი გაყიდვის მცდელობაში.
“რუსეთი მილიონობით ადამიანს აყენებს შიმშილის საფრთხის წინაშე ჩვენი პორტების დაბლოკვით”, – დაწერა შაბათს უკრაინის საგარეო საქმეთა მინისტრმა დმიტრო კულებამ და დასძინა, რომ უკრაინამ პარტნიორებთან ერთად დაადგინა ორი ალტერნატიული სახმელეთო გზა საკვების ექსპორტისთვის და “აფრიკისა და სხვა რეგიონების შიმშილისგან გადასარჩენად.
აშშ-ს სახელმწიფო დეპარტამენტის მონაცემებით, ომამდე ხორბლის მარაგი რუსეთიდან და უკრაინიდან შეადგენდა გლობალური ვაჭრობის თითქმის 30%-ს, ხოლო უკრაინა მსოფლიოში მეოთხე უდიდესი ექსპორტიორია და ხორბლის მეხუთე ექსპორტიორი,
გაეროს მსოფლიო სასურსათო პროგრამა – რომელიც ეხმარება გლობალურ სასურსათო დაუცველობასთან ბრძოლაში – ყოველწლიურად ყიდულობს თავისი ხორბლის ნახევარს უკრაინიდან და აფრთხილებს, რომ საშინელი შედეგები იქნება, თუ უკრაინის პორტები არ გაიხსნება.
