“ომიკრონის ახალი ვარიანტები წითელასავით გადამდებია”

COVID-19-ის უახლესი ვარიანტი, Omicron 4 და 5, ისეთივე გადამდებია, როგორც წითელა. ამის შესახებ ინფორმაციას news4jax სპეციალისტებზე დაყრდნობით ავრცელებს.

გამოცემის ინფორმაციით, ინფექციური დაავადებების სპეციალისტმა ექიმმა მოჰამედ რეზამ თქვა, რომ COVID-19 Omicron-ის უახლესი ვარიანტები 4 და 5 ძალიან გადამდებია. მეცნიერებს არ უნახავთ ჰოსპიტალიზაციის შემთხვევების ბოლოდროინდელი მატება, მაგრამ აფრთხილებენ, რომ ერთ ადამიანს შეუძლია ვირუსი რამდენჯერმე მიიღოს.

რეზამ თქვა, რომ თავდაპირველ ვირუსს, 2020 წელს, შეეძლო დაეინფიცირებინა სამი სხვა ადამიანი ერთი მატარებლისგან. უახლესი ვარიანტი ექსპონენტურად უფრო გადამდებია ერთი გადამზიდველის უნარით დააინფიციროს 18 ადამიანი.