უკრაინას, თურქეთს, რუსეთსა და გაერო-ს შორის დღეს სტამბოლში დაიწყო შეხვედრა, რომელიც ფოკუსირებულია უკრაინული მარცვლეულის ექსპორტის აღდგენის მცდელობებზე. ამის შესახებ ინფორმაციას cnbc ავრცელებს.
უკრაინის საგარეო საქმეთა მინისტრი იმედს გამოთქვამს, რომ მარცვლეულის ექსპორტი განახლდება.
„ორი ნაბიჯი გვაშორებს რუსეთთან შეთანხმებას. ჩვენ ფინალურ ფაზაში ვართ და ახლა ყველაფერი რუსეთზეა დამოკიდებული“, – განუცხადა უკრაინის საგარეო საქმეთა მინისტრმა დმიტრო კულებამ ესპანურ გაზეთ El Pais-ს სტამბოლში დაწყებული ოთხმხრივი მოლაპარაკებების წინ უკრაინას, რუსეთს, თურქეთსა და გაეროს ოფიციალურ პირებს შორის.
Reuters-ის შეფასებით, 20 მილიონ ტონაზე მეტი უკრაინული მარცვლეული ჩარჩენილია შავი ზღვის პორტში, ოდესაში. ბევრი სატვირთო გემი ჩაკეტილია რუსეთის ბლოკადის გამო.
რუსეთი თავის მხრივ უკრაინას ადანაშაულებს ექსპორტის შეჩერებაში და კიევს შავი ზღვის მოპოვებაში სდებს ბრალს.
როგორც რუსეთი, ასევე უკრაინა ხორბლის ძირითადი ექსპორტიორია, ისევე როგორც სხვა სასიცოცხლო მნიშვნელობის ისეთი პროდუქტების, როგორიცაა სასუქი და მზესუმზირის ზეთი.
