უკრაინის ოფიციალური პირების განცხადებით, სამხრეთ ხერსონის რეგიონში რუსული საბრძოლო მასალის საწყობი განადგურდა. ამის შესახებ CNN წერს.
როგორც ტელეკომპანია იუწყება, ადგილობრივ Telegram-ის არხებზე ღამით გამოქვეყნებული ვიდეო კადრებში ჩანს ბრილივკას რაიონში, ქალაქ ხერსონის სამხრეთ-აღმოსავლეთით დაახლოებით 40 კილომეტრში (25 მილი) დიდი აფეთქება.
“ოკუპანტების ერთ-ერთი მნიშვნელოვანი ლოჯისტიკური კერა, რკინიგზის სადგური ბრილივკაში, განადგურდა ხერსონის რაიონში. რუსების მიერ ახლახან შემოტანილი აღჭურვილობა და საბრძოლო მასალა დაიწვა.
ხალხი ავრცელებს ვიდეო მასალას, სადაც აფეთება ჩანს, სავარაუდოდ, ნავთობის საცავს მოხვდა“, – განაცხადა ხერსონის სამოქალაქო სამხედრო ადმინისტრაციის უფროსის მრჩეველმა სერხიი ხლანმა.
CNN წერს, რომ სოციალური მედიის ვიდეოები, რომლებიც ატვირთული იყო თემის Telegram-ის არხზე ღამით, მიუთითებდა რამდენიმე აფეთქებაზე ამ მხარეში, მაგრამ სიბნელემ ხელი შეუშალა მათ ზუსტ გეოლოკაციას.
უკრაინის ოფიციალური პირის მიერ პარასკევს გამოქვეყნებულ ფოტოებზე ჩანს რკინიგზის სადგურის მიდამოში დაზიანებები.
ჩინოვნიკმა იური სობოლევსკიმ, რომელიც არის ხერსონის საოლქო საბჭოს თავმჯდომარის მოადგილე, ფოტოებს დააწერა „ახლა ბრილივკა“
„მინდა მივმართო ყველას, ვინც იძულებულია დარჩეს ხერსონის რეგიონის დროებით ოკუპირებულ ტერიტორიაზე… თუ თქვენ ვერ შეძელით ევაკუაცია, გთხოვთ, რაც შეიძლება შორს დაიჭიროთ თავი მათი სამხედრო ინფრასტრუქტურისგან და განლაგების ადგილებისგან,“- განაცხადა სობოლევსკიმ.
“უკრაინის შეიარაღებული ძალები გააგრძელებენ დარტყმებს, რადგან სხვა გზა არ არსებობს ჩვენი ხალხისა და ჩვენი ტერიტორიის გასათავისუფლებლად”, – დასძინა სობოლევსკიმ.
ავტორი
