ბახმაროში 19 აგვისტოს ტრადიციული დოღი ჩატარდა.
4 გარბენი იყო, მათ შორის 2 გარბენი 1200 მეტრიანი, 1 გარბენი 2400 მეტრიანი და 1-იც 4800 მეტრიანი.
1200 მეტრის გარბენზე – “გურიის თასის” მფლობელი სოსო რამიშვილი გახდა სურებიდან. ცხენის სახელია ალმა და ის 58 ნომრად ასპარეზობდა. რამიშვილს ფულად ჯილდოდ 1000 ლარი გადაეცა, მეორე ადგილზე გავიდა ჩოხატაურიდან ჩხიკვაძე თამაზი, ცხენს ჰქვია კორონა და მას ჯილდოდ 600 ლარი გადაეცა, ხოლო მესამე ადგილზე გავიდა ალექს რამიშვილი, ესეც ჩოხატაურიდან. ცხენს ჰქვია წითლა და მას 300 ლარი გადაეცა.
მეორე გარბენი, სადაც დოღის მონაწილეებს ასევე 1200 მეტრის დისტანცია უნდა დაეფარათ და საპრიზო ფონდი მთლიანად 2400 ლარი იყო, არ შეფასდა, არ ჩაითვალა და შესაბამისად არც არავინ დაჯილდოებულა.
რაც შეეხება მესამე გარბენს, მასში ნახევრად წმინდა სისხლის ჯიშის ცხენების გარბენი იყო და დოღის მონაწილეებს 2 400 მეტრის მანძილი უნდა დაეფარათ. “ნაბეღლავის თასის” მფლობელი ეხვაია საბა გახდა ზუგდიდიდან. ცხენის სახელია ლიმონა და ის 40 ნომრად ასპარეზობდა და გამარჯვების შედეგად 1200 ლარი გადაეცა, მეორე ადგილზე თორნიკე თოდრია გავიდა ოზურგეთიდან ცხენის სახელია ალბატროსი, ასპარეზობდა 11 ნომრად და მან 700 ლარი აიღო, მესამე ადგილზე აბაშადან თელია საბა გავიდა.
“ბახმაროს თასის” მოპოვება 13-მა მხედარმა სცადა. დასაფარი მანძილი 4 800 მეტრი იყო, საპრიზო ფონდი კი მთლიანად 5300 ლარს შეადგენდა.
“ბახმაროს თასი 2022” მოიპოვა ოზურგეთელმა თორნიკე თოდრიამ. ცხენი ელფა. მეორე ადგილზე ხვთისო აბელაშვილი გავიდა. ის სამშენებლო კომპანია სვეტის სახელით ასპარეზობდა, ცხენს ჰქვია მალოი. მესამე ადგილზე კი ნადირაძე გუგა გავიდა, რომელმაც დიღომის სახელით იასპარეზა. პირველ ადგილს 3000 ლარი, მეორე ადგილს 1500, მესამეს კი 800 ლარი გადაეცა.
