5 თებერვალს, თბილისში მძლეოსნობის სასახლემ და დიდი დიღმის სპორტულმა კომპლექსმა _ მძლეოსნობის სათადარიგო არენამ, მძლეოსნობაში (დიდები) საქართველოს ღია პირად ჩემპიონატს უმასპინძლა.
ასპარეზობაში საქართველოს ნაკრებ გუნდებთან ერთად სომხეთის გუნდმა მიიღო მონაწილეობა.
მძლეოსანთა შეჯიბრზე ოზურგეთის მუნიციპალიტეტის სპორტულ-გამაჯანსაღებელ დაწესებულებათა გაერთიანებასთან არსებული მძლეოსანთა სექციის სპორტსმენები წარმატებით გამოვიდნენ და საერთო ჯამში, ორი ოქრო, ორი ვერცხლი და ორი ბრინჯაო მოიპოვეს.
საქართველოს ჩემპიონის ტიტული და ოქრო ბადროს ტყორცნაში (1კგ) ქეთევან მამალაძემ აიღო (მწვრთნელები: დავით მანთიძე, მარინე კოტრიკაძე); ასევე, საქართველოს ჩემპიონის ტიტული ოქრო ბირთვის კვრაში (4კგ) ანა მგელაძემ მოიპოვა (მწვრთნელი მარინა კოტრიკაძე); ელენე ჩავლეშვილი ბირთვის კვრაში (4კგ.) ვერცხლის მედალს დაეუფლა (მწვრთნელი მარინა კოტრიკაძე); ანა მგელაძე კი, შუბის ტყორცნაში (600გ) გახდა ვერცხლის და მეორე ადგილის მფლობელი (მწვრთნელი მარინა კოტრიკაძე).
რაც შეეხება ბრინჯაოს, გიორგი პაკელიანმა ბადროს ტყორცნაში (2კგ) მოახერხა მესამე ადგილის აღება (მწვრთნელი მარინა კოტრიკაძე); ანა მგელაძემ კი ბადროს ტყორცნაში (1კგ) დაეუფლა ბრინჯაოს მედალს (მწვრთნელი მარინა კოტრიკაძე); ასევე, 60 მეტრზე რბენაში ფინალში იასპარეზა ქეთი თევზაძემ და მისი შედეგი გააუმჯობესა; საკუთარი შედეგები გააუმჯობესა, ასევე, ნორჩმა მძლეოსანმა ლიზი ლომაძემ 60მ და 200მ დისტანციებზე.
ავტორი
