17-18-19 თებერვალს, ქალაქ ერევანში, დინამო არენას ცენტრალურ სპორტ კომპლექსში გაიმართა ბრძოლები K1 კიკბოქსინგში პროფესიონალებს და მოყვარულებს შორის, სადაც მონაწილეობდნენ ირანის 4 გუნდი, რუსეთის, სომხეთის 5 გუნდი და მებრძოლები საქართველოდან.
ასპარეზობაში ჩოხატაურის სპორტისა და სპორტულ ღონისძიებათა ორგანიზების ცენტრის 4 სპორტსმენი მონაწილეობდა: საბა დოლიძე და გურამ ხაბულიანი, რომლებიც 4 თვეა ვარჯიშობენ და უკვე შედგეს ფეხი დიდ რინგზე მოყვარულებში და საუკეთესოდაც _ საბა დოლიძემ წამებში მოხსნა თავისი მოწინააღმდეგე ფეხის ეფექტური დარტყმით და ოქროს მედალი წამოიღო საქართველოში. გურამ ხაბულიანი კი, ვერცხლს დასჯერდა.
ორგანიზაციის საჩემპიონო ქამრისთვის ბრძოლაში K1 წესებით, დამაჯერებლად, 3 რაუნდი მოიგო ალექსანდრე ლომთათიძემ.
განსაკუთრებით ინტერესს იწვევდა პატარა, 9 წლის გვანცა ლომთათიძის ბრძოლა, რომელიც 2 წლით დიდ და 4 კილოთი მეტ ირანელ სპორტსმენს დაუპირისპირდა.
3 რაუნდი ძალიან დაძაბულ ვითარებაში წარიმართა. გვანცამ ტოლი არ დაუგდო მოწინააღმდეგეს. მთავარი მსაჯის გადაწყვეტილებით, ქულები გაყვეს და გვანცამაც მოირგო ორგანიზაციის საჩემპიონო ქამარი.
სპორტსმენები ჩემპიონატისთვის მოამზადა მწვრთნელმა, კიკბოქსინგის სპორტის ოსტატმა, შავი ქამრისა და 1 დანის მფლობელმა გივი გოგუაძე.
