ჩვენ ვიმყოფებით მესამე მსოფლიო ომის ზღვარზე – ამის შესახებ ვიდეო მიმართვისას თქვა აშშ-ს ყოფილმა პრეზიდენტმა, დონალდ ტრამპმა.
ტრამპის თქმით, ათწლეულების განმავლობაში ამერიკას ჰყავდა ისეთი ხალხი, როგორიცაა ვიქტორია ნიულენდი და მრავალი სხვა, რომლებიც შეპყრობილები არიან უკრაინის NATO-სკენ სვლით.
,,ერთ-ერთი მიზეზი, რის გამოც მე ვიყავი წლების განმავლობაში ერთადერთი პრეზიდენტი, რომელმაც ომი არ დაიწყო, არის ის, რომ მე ვიყავი პრეზიდენტი, რომელმაც ვაშინგტონის ბევრი გენერლის, ბიუროკრატისა და ე.წ. დიპლომატების კატასტროფული რჩევები უარყო, რომლებმაც მხოლოდ კონფლიქტში შესვლა იციან, მაგრამ არ იციან, როგორ გამოგვიყვანონ კონფლიქტიდან.
ათწლეულების განმავლობაში ჩვენ გვყავდა ისეთი ხალხი, როგორიცაა ვიქტორია ნიულენდი და მრავალი სხვა, რომლებიც შეპყრობილები არიან უკრაინის NATO-სკენ სვლით. რომ აღარაფერი ვთქვათ უკრაინაში აჯანყების სახელმწიფო დეპარტამენტის მხარდაჭერაზე. ეს ხალხი დიდი ხანია კონფრონტაციებს ეძებს, როგორც ეს ერაყში და მსოფლიოს სხვა ნაწილებში იყო და ახლა ჩვენ ვიმყოფებით მესამე მსოფლიო ომის ზღვარზე,“ – თქვა აშშ-ს ყოფილმა პრეზიდენტმა.
ტრამპმა აღნიშნა, რომ ამერიკაში საჭიროა კორუმპირებული გლობალისტი ისტებლიშმენტის მოშო რება, რომლებმაც ათწლეულების განმავლობაში ცუდად იმოქმედეს ყველა მნიშვნელოვან საგარეო პოლიტიკურ გადაწყვეტილებასთან დაკავშირებით, მათ შორის პრეზიდენტი ბაიდენის.
,,ბევრი ადამიანი ვერ ხედავს ამას, მაგრამ მე ვხედავ და მართალი ვარ ბევრ რამეში, თუმცა არცერთი ეს ფაქტი ერთი წლის წინ უკრაინაში აღმაშფოთებელ და საზარელ შეჭრას არ ამართლებს, რომელიც არასდროს მოხდებოდა, მე რომ თქვენი პრეზიდენტი ვყოფილიყავი. ეს ნიშნავს, რომ, აქ, ამერიკაში, ჩვენ გვჭირდება კორუმპირებული გლობალისტი ისტებლიშმენტის მოშორება, რომლებმაც ათწლეულების განმავლობაში ცუდად იმოქმედეს ყველა მნიშვნელოვან საგარეო პოლიტიკურ გადაწყვეტილებასთან დაკავშირებით. ეს მოიცავს პრეზიდენტ ბაიდენს, რომელზეც მისი ხალხი ამბობს, რომ არ მიუღია არცერთი კარგი გადაწყვეტილება სხვა ქვეყნებთან ურთიერთობასა და ომის კონტექსტში,“ – აღნიშნმა ტრამპმა.
ავტორი
