“მთავარი გამოწვევა ძალადობის აღიარების პრობლემაა”

ჩოხატაურში ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისია შეიქმნა. შესაბამის ბრძანებას ხელი მერმა დავით შარაშიძემ უკვე მოაწერა.

“საქართველოს ორგანული კანონის “ადგილობრივი თვითმმართველობის კოდექსი” 54-ე მუხლის პირველი პუნქტის “ე.ვ”, “ე.ვ I’’ ქვეპუნქტების, 61-ე მუხლის მე-3 პუნქტის “ა” ქვეპუნქტის შესაბამისად,ვბრძანებ:

1. ჩოხატაურის მუნიციპალიტეტში ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების საკითხებზე სისტემური და კოორდინირებული

მუშაობის უზრუნველსაყოფად შეიქმნას “ჩოხატაურის მუნიციპალიტეტში ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისია” (შემდგომში კომისია) შემდეგი შემადგენლობით:

მაია კუტუბიძე _ ჩოხატაურის მუნიციპალიტეტის მერის პირველი მოადგილე – უწყებათაშორისი კომისიის თავმჯდომარე;

მაია პაიჭაძე _ ჩოხატაურის მუნიციპალიტეტის მერის თანაშემწე, პასუხისმგებელი პირი გენდერული თანასწორობის საკითხებში, კომისიის თავმჯდომარის მოადგილე;

ნიკოლოზ დუმბაძე _ ჩოხატაურის მუნიციპალიტეტის მერიის სოციალური და ჯანდაცვის სამსახურის უფროსი, კომისიის წევრი;

ვლადიმერ გოგიბერიძე _ ჩოხატაურის მუნიციპალიტეტის მერიის მუნიციპალური შესყიდვების სამსახურის უფროსი, კომისიის წევრი;

გია გიორგაძე _ ჩოხატაურის მუნიციპალიტეტის მერიის ეკონომიკისა და ქონების მართვის სამსახურის უფროსი, კომისიის წევრი;

თეა უჯმაჯურიძე _ ჩოხატაურის მუნიციპალიტეტის მერიის ადმინისტრაციული სამსახურის უფროსი, კომისიის წევრი;

თეა მამალაძე _ ჩოხატაურის მუნიციპალიტეტის მერიის განათლების, კულტურის და სპორტის სამსახურის უფროსი, კომისიის წევრი;

ნინო კაპანაძე _ ჩოხატაურის მუნიციპალიტეტის მერიის სოციალური და ჯანდაცვის სამსახურის ბავშვის უფლებების დაცვისა და მხარდაჭერის განყოფილების უფროსი, კომისიის მდივანი;

ეკატერინე ნიკოლაიშვილი _ ჩოხატაურის მუნიციპალიტეტის მერიის სოციალური და ჯანდაცვის სამსახურის სოციალურ საკითხთა განყოფილების I კატეგორიის უფროსი სპეციალისტი, მუნიციპალიტეტის სოციალური მუშაკი, კომისიის წევრი;

ლილე კვინტრაძე _ ჩოხატაურის მუნიციპალიტეტის მერიის ადმინისტრაციული სამსახურის საზოგადოებასთან ურთიერთობის განყოფილების I კატეგორიის უფროსი სპეციალისტი საზოგადოებასთან ურთიერთობის საკითხებში, კომისიის წევრი;

სოფიკო ჯინჭარაძე _ გურიის მაჟორიტარი დეპუტატის ჩოხატაურის ბიუროს ხელმძღვანელი;

ნესტან თოლორდავა _ სახელმწიფო ზრუნვისა და ტრეფიკინგის მსხვერპლთა, დაზარალებულთა დახმარების სააგენტოს გურიის რეგიონული ცენტრის ჩოხატაურის რაიონული წარმომადგენელი, სოციალური მუშაკი, კომისიის წევრი;

ნატო კეკელიძე _ ჩოხატაურის მუნიციპალიტეტის საგანმანათლებლო რესურსცენტრის მეორე კატეგორიის უფროსი სპეციალისტი (პედაგოგი), კომისიის წევრი;

თამარ ოგანოვა _ სახალხო დამცველის აპარატის დასავლეთ საქართველოს სამმართველოს მთავარი სპეციალისტი, კომისიის წევრი;

ირაკლი კუტუბიძე _ ოზურგეთის ძალადობის მსხვერპლთა მომსახურების კრიზისული ცენტრის უფროსი, კომისიის წევრი.

2. დამტკიცდეს “ჩოხატაურის მუნიციპალიტეტში ქალთა მიმართ ძალადობის ან/და ოჯახში ძალადობის აღკვეთის, ძალადობის მსხვერპლთა დაცვისა და დახმარების უწყებათაშორისი კომისიის” დებულება.
3. ბრძანება შეიძლება გასაჩივრდეს კანონით დადგენილი წესით, ერთი თვის ვადაში ოზურგეთის

რაიონულ სასამართლოს მაგისტრატ სასამართლოში ჩოხატაურის მუნიციპალიტეტში მისამართზე: ჭავჭავაძის ქ. #4.

5. ბრძანება ძალაშია ხელმოწერისთანავე”, _ წერია ჩოხატაურის მერის დავით შარაშიძის მიერ ხელმოწერილ დოკუმენტში, რომელიც 17 თებერვლით თარიღდება.

კომისიის მიზანია ჩოხატაურის მუნიციპალიტეტის ტერიტორიაზე რეგისტრირებულ ქალთა მიმართ ან/და ოჯახში ძალადობის მსხვერპლთა დაცვის სფეროში სახელმწიფო პოლიტიკის გახორციელების კოორდინაცია და ხელშეწყობა.

ცნობისთვის, ძალადობა არის ყოველგვარი ქმედება ან სიტყვა, რომელსაც შეუძლია ადამიანი შეურაცხჰყოს, ზიანი მოუტანოს მას ან შეულახოს კანონით მინიჭებული უფლებები. ძალადობის დროს ითრგუნება ადამიანის ნება, შელახულია მისი ხელშეუხებლობა, ღირსება, და თავისუფლება. ესენი კი ადამიანის განუყოფელი უფლებებია. ძალადობა მოიცავს უკანონო ქმედებათა ყველა სახეს, გამოხატულს მუქარით ან ქმედებით, რომელსაც შედეგად მოჰყვება ქონების დაზიანება ან განადგურება, ანდა პიროვნების შეურაცხყოფა ან სიკვდილი. ძალადობის ყველაზე ფართოდ გამოხატული ფორმაა ძალადობა ოჯახში. ოჯახში ძალადობის ფორმებია: ფიზიკური ძალადობა (ცემა), სექსუალური ძალადობა, მუქარა, ემოციური ძალადობა (სისტემატური ყვირილი, გინება), საზოგადოებისგან იზოლაცია, რაიმე ქმედების მუქარით აკრძალვა, დაშინება და ა. შ. ოჯახში ძალადობის მსხვერპლი შეიძლება იყოს ქალი, ბავშვი, შშმ პირი, მოხუცი და, იშვიათად, მამაკაცი. ყველაზე გავრცელებული ფორმაა ქმრის ძალადობა ცოლზე და მშობლების _ შვილებზე.

ჩვენ ვცადეთ, გაგვერკვია, რამდენად ხშირია ჩოხატაურში ძალადობის შემთხვევები და როგორ ცდილობენ მდგომარეობის გამოსწორებას. კითხვებზე პასუხების მისაღებად ჩოხატაურის მუნიციპალიტეტის მერის პირველ მოადგილეს, უწყებათაშორისი კომისიის თავმჯდომარეს, მაია კუტუბიძეს ვესაუბრეთ:

_ ქალბატონო მაია, თუ გაქვთ ინფორმაცია, რამდენად ხშირია ძალადობის შემთხვევები ჩოხატაურში? რა გამოწვევები არსებობს ამ მხრივ?

_ ჩვენს ხელთ არსებული ინფორმაციით, ჩოხატაურის მუნიციპალიტეტში ძალადობის შემთხვევები ხშირი არ არის.

მთავარი გამოწვევა ძალადობის აღიარების პრობლემაა _ ხშირად მსხვერპლმა არ იცის, არ აქვს გააზრებული, რომ ის ძალადობის მსხვერპლია. ამ მიზნით, მუნიციპალიტეტი აქტიურად მუშაობს საზოგადოების ცნობიერების ამაღლების კუთხით. მუნიციპალიტეტი თანამშრომლობს ქალთა ორგანიზაცია “სოხუმთან”, რომლის ფარგლებშიც ძალადობის მსხვერპლ ქალებს გადაეცათ მობილური ტელეფონები, შესაბამისი აპლიკაციით. გარდა ამისა, მიეწოდათ ინფორმაცია ციფრული რესურსების შესახებ.

_ რას ეტყოდით საზოგადოებას და ძალადობის მსხვერპლ ადამიანებს, რომლებიც შეიძლება, ჯერ კიდევ ჩუმად არიან, თუნდაც შიშის გამო და ფაქტს მალავენ?

_ ძალადობის მსხვერპლ ადამიანებს ვეტყოდი, რომ უნდა გამოგვიცხადონ ნდობა, ისაუბრონ ხმამაღლა თავიანთ პრობლემაზე და არ შეეგუონ ძალადობრივ გარემოს. მუნიციპალიტეტი ახორციელებს ძალადობის მსხვერპლთა ფინანსური დახმარების პროგრამას. ასევე, მნიშვნელოვანია სახელმწიფო სერვისები, რომელიც მათ მხარდასაჭერად ხორციელდება. უწყებათაშორისი კომისია გააძლიერებს მუნიციპალიტეტის ჩართულობას ძალადობის აღმოფხვრის მიზნით.

 მნიშვნელოვანია პრევენციული ღონისძიებები. კიდევ უფრო მეტად უნდა გაგრძელდეს და გაძლიერდეს საინფორმაციო კამპანიები, რათა გაიზარდოს მათი სანდოობა და ხელმისაწვდომობა ადგილობრივ სერვისებზე. ჩართული უნდა იყოს ყველა უწყება თავისი უფლებამოსილების ფარგლებში, ვინაიდან ძალადობის წინააღმდეგ ბრძოლა და პროცესების ლუსტრირება არის მოქალაქეობრივი ვალდებულება.