დღეს „ერთიანი ნაციონალური მოძრაობის“ ცენტრალურ ოფისში, პარტიის თავმჯდომარემ ლევან ხაბეიშვილმა, პარტიის წევრებთან ერთად ბრიფინგი ჩაატარა, სადაც შიდაპარტიულ არჩევნებზე ისაუბრა.
„ერთიანი ნაციონალური მოძრაობის“-ის პოლიტიკური საბჭოს საბოლოო ფორმირების და ადგილებზე პარტიული ორგანიზაციების სტრუქტურების საბოლოოდ ჩამოსაყალიბებლად, ბოლო 2 კვირის განმავლობაში პარტიის ყველა დონეზე მიმდინარეობდა აქტიური კონსულტაციები. საზოგადოებამ კარგად იცის, რომ ჩვენი ქვეყნის წინაშე დგას უსერიოზულესი პრობლემა, რომელიც უკავშირდება ოლიგარქიულ, კლანურ მმართველობას. ასევე „ნაციონალური მოძრაობისთვის“ და ჩვენი ქვეყნისთვის უმძიმესი საკითხია პრეზიდენტ სააკაშვილის თავისუფლება, ამ თავისუფლებისთვის ბრძოლა და უმნიშვნელოვანესია, რომ პარტია იყოს გამართული, სტრუქტურულად ჩამოყალიბებული, რომელიც დაუპირისპირდება რუს ოლიგარქს ბიძინა ივანიშვილს და იბრზოლებს პრეზიდენტ სააკაშვილის თავისუფლებისთვის. სწორედ ამიტომ, 19 აპრილს ჩვენ დავაანონსეთ, რომ ყველა მუნიციპალიტეტში, ქალაქში გაიმართება ღია, გამჭვირვალე არჩევნები და ასეთი იქნება 63, სადაც ადგილზე, ადგილობრივები აირჩევენ თავმდჯომარეს.
„ნაციონალურ მოძრაობაში“ მიღებული იქნა გადაწყვეტილება, რომ ეს პროცესები 20 მაისამდე უნდა დასრულდეს, მზად ვიყოთ ყველა განვითარებული პროცესებისათვის, როგორც ოლიგარქიული რეჟიმის დასამარცხებლად, ასევე იცით, რომ კონრკეტული გადაწყვეტილება უნდა გამოცხადდეს პრეზიდენტ სააკაშვილთან დაკავშირებით, სტრასბურგის სასამართლოში. პარტია უნდა შეხვდეს გაძლიერებული და ყველანაირი არჩევნებით დასრულებული ამ პროცესს.
ენმ-ში პარტიული სტრუქტურის საბოლოოდ ჩამოსაყალიბებელი და გასაძლიერებელი იწყება შიდადემოკრატიული სარჩევნო პროცესი.
1) 4 მაისს დაიწყება და 9 მაისამდე გასტანს ენმ-ის რაიონული ორგანიზაციების თავმდჯომარეობის მსურვლების კანდიდატების რეგისტრაცია.
2) 9 მაისიდან 14 მაისამდე იქნება დრო ამომრჩეველთა სიების რეგისტრაციისთვის. კანდიდატებს ექნებათ საშუალება დაარეგისტრირონ საკუთარი მომხრეთა სია, როგორც ონლაინ, ისე ფიზიკურად.
3) 14-16 მანძილზე არჩევნების მონაწილე ყველა მხარეს ექნება დრო და საშუალება გადახედოს და გადაამოწმოს საარჩევნო ერთიან ე.წ. სამაგიდო სია.
4) 17-20 მაისს განსაზღვრული გრაფიკით ყველა რაიონულ ორგანიზაციაში ჩატარდება არჩევნები.
კანდიტადად რეგისტრაცია:
ენმ-ის ადგილობრივი ორგანიზაციის კანდიდატობის მსურველი შესაძლოა დარეგისტრირდეს კანდიდატად:
ა) თუ კანდიდატობის მსურველს კანდიდატად რეგისტრაციისთვის მხარს უჭერს ადგილობრივი საკრებულოს ენმ-ის ფრაქციის შემადგენლობის არანაკლებ 1/3.
ბ) თუ კანდიდატობის მსურველს კანდიდატად წარადგენს პარტიის პოლიტიკური საბჭოს მინიუმი 2 წევრი.
გ) თუ კანდიდატობის მსურველი წარადგენს ადგილობრივი საარჩევნო ოლქის საერთო ამომრჩეველთა მინიმუმ 1 %-ზე მეტი რაოდენობის მხადამჭერის ხელმოწერას.
კანდიდატი ვერ იქნება:
ა) პირი, მკვეთრად გამოხატული ანტიდასავლური პოლიტიკური პოზიციებით
ბ) სხვა პოლიტიკური პარტიის წევრი
გ) ქ. ოცნების, ე.წ. ხალხის ძალის, ალტინფოს იდენტიფიცირებული”.
