რუსეთი, ტრადიციულად მოსკოვში გამარჯვების დღისადმი მიძღვნილ აღლუმს რუსეთი სამხედრო ძალის დემონსტრირებისთვის იყენებს. წინა წლებში 9 მაისს, წითელ მოედანზე ათობით ტანკს, თვითმფრინავებსა და ვერტმფრენებს აჩვენებდნენ. წელს კი, მექანიზებულ კოლონას მხოლოდ ერთი ტანკი – Т-34 უძღვებოდა, საბჭოთა ეპოქის მანქანა, რომელიც რუსეთმა მეორე მსოფლიო ომის დროს გამოიყენა,- ამის შესახებ CNN წერს.
2022 წლის აღლუმზე T-34-ს თან ახლდა რამდენიმე უფრო თანამედროვე T-90 და T-14. არც ერთი ეს მოდელი არ გამოჩენილა ოთხშაბათის აღლუმზე. სამაგიეროდ, T-34-ს ახლდა მრავალფუნქციური საბრძოლო მანქანების Tigr – ების მსვლელობა.
ასევე გამოფენილი იყო Tigr-M და VPK-Ural ჯავშანტექნიკა, მაგრამ მთავარი აქცენტი იყო ქვეყნის უახლესი საჰაერო თავდაცვის სისტემა – S-400 – და მისი კონტინენტთაშორისი ბალისტიკური სისტემა – Yars, რომელიც წარმოადგენს რუსეთის ბირთვული ძალების ნაწილს.
სახელმწიფო საინფორმაციო სააგენტო TASS-ის ცნობით, გამოფენილი იყო 125 ერთეული სამხედრო ტექნიკა.
იმისდა მიუხედავად, რომ ამინდის პროგნოზები აჩვენებენ შედარებით სუფთა ცას მოსკოვის ზემოთ, ჩვეულებრივი ფრენა წითელ მოედანზე გაუქმდა.
შესაბამისად, რუსეთის გამარჯვების დღის აღლუმი უფრო მოკრძალებული სანახაობა იყო, ვიდრე წინა წლებში. ამის მიზეზი შესაძლოა CNN-ის მიერ გავრცელებული ინფორმაცია იყოს, რომლის მიხედვითაც რუსეთი სამუზეუმო ექსპონატებს ომში აგზავნიდა.
ვიდეო, რომელიც, როგორც ჩანს, რუსეთის ტერიტორიაზე მარტშია გადაღებული, აჩვენებს სატვირთო მატარებლებს, რომლებსაც საბჭოთა ტანკები გადააქვთ.
T-55-ები პირველად საბჭოთა კავშირში 1948 წელს – მეორე მსოფლიო ომის დასრულებიდან მალევე გამოუშვეს. იაფი, საიმედო, მარტივი გამოსაყენებელი და ადვილად შესანახი – რუსეთმა მოდელი ყოფილი ვარშავის პაქტის ქვეყნებში აჯანყებების ჩასახშობად გამოიყენა. აჯანყებების სერია უნგრეთში 1956 წელს დაიწყო, შემდეგ პრაღაში, მაშინდელი ჩეხოსლოვაკიის დედაქალაქში 1968 წელს გაგრძელდა.
კრემლის მომხრე ბლოგერების მიერ გაზიარებული ფოტოების მიხედვით, როგორც ჩანს, ტანკები ახლა რუსეთის მიერ ოკუპირებულ ტერიტორიებზე უკრაინაშია.
ავტორი
