ჩოხატაურის ხელოვნების სასახლის სცენაზე წარმოდგენილ იქნა ეფემ ჩეპოვეცკის პიესა ,,ჯამბაზი პედრო და წრუწუნა მიციკი.“ დამდგმელი რეჟისორი _ ვახტანგ გიგინეიშვილი (ხელოვნების დამსახურებული მოღვაწე, გივი სარჩიმელიძის სახელობის ჯილდოს მფლობელი) მხატვარი _ ირაკლი კალანდარიშვილი, მუსიკალური გამფორმებელი _ დავით მეგრელიძე, თოჯინების ოსტატი _ ნინო კეჭაყმაძე, ქორეოგრაფი _ ირაკლი ჩახვაძე, რეჟისორის ასისტენტი _ ქეთი კუკულავა.
სპექტაკლში მონაწილეობდნენ: ანანო ვასაძე, გიორგი გიორგაძე, ალექსანდრე თოდრაძე, ლუკა კოტრიკაძე, თორნიკე ბერიძე და ირაკლი კალანდარიშვილი (სპეციალური მოწვევით).
სპექტაკლში ჩოხატაურის სამრევლო და საჯარო სკოლის მოსწავლეებმა საოცარი უშუალობით წარმოადგინეს თოჯინური სპექტაკლი, როგორც რეჟისორმა ჩვენთან საუბარში განაცხადა, ბავშვებმა ძალიან სწრაფად აითვისეს თოჯინის ხელოვნება და საინტერესოდ გააცოცხლეს პერსონაჟები. სპექტაკლის ყველა მონაწილემ მაქსიმალურად გამოამჟღავნა თავიანთი შესაძლებლობები. ამიტომაც დაიმსახურეს მაყურებლის დიდი მოწონება და მხურვალე აპლოდისმენტები.
გვჯერა, ახალგაზრდული დასი კიდევ მრავალ საუკეთესო საბავშვო და თოჯინურ სპექტაკლს წარმოადგენს ჩოხატაურის ხელოვნების სასახლის სცენაზე.
