ასტროლოგია და სუპერქალები

ვერძი

ჭეშმარიტი სუპერგმირია. ვერ იტანს, როცა ვინმე სუსტებსა და უბედურებს ჩაგრავს, რადგან თავად ძლიერი და სამართლიანია. მას ერთი დარტყმით შეუძლია დაგიმსხვიოთ თავის ქალა, კარიერა და რეპუტაცია.

კურო

კუროები სუპერგმირის თვისებებს მალავენ და მოკრძალებულ დიასახლისებად მოაქვთ თავი, რადგან სხვაგვარად მისგან მსოფლიოს გადარჩენას კვლავ მოითხოვენ. მას კი ყველაზე მეტად „ადიალაში“ გახვევა, წიგნის კითხვა და ორცხობილების დაგემოვნება სურს. თუმცა, როგოც კი ვინმე წესრიგს დაარღვევს, ტორტის მოსართავ მოწყობილობებს გამოიღებს, მისგან ავტომატს ააწყობს და ყველას სწრაფად აუხსნის, როგორ უნდა იცხოვრონ და იმუშაონ ისე, რომ საყოველთაო ბედნიერება და კეთილდღეობა სუფევდეს.

ტყუპი

ტყუპი მარტო თავს ვერაფერს გაართმევს და აუცილებლად სჭირდება მეგობრები. პირველ რიგში იმიტომ, რომ მარტო მოსაწყენია, მეორეც იმიტომ, რომ ტყუპისთვის მხარდაჭერა აუცილებელია. მარტო ყოფნის შემთხვევაში საკითხავია, საერთოდ გადარჩება, თუ არა ვინმე.

კირჩხიბი

კირჩხიბი დარწმუნებულია, რომ მისი ძალა, მის სისუსტეშია, ამიტომ თავი გმირად არასდროს მოაქვს, ვიდრე მის ოჯახს საფრთხე არ ელის. ხოლო, თუ ელის, მაშინ კირჩხიბი სუპერქალად გადაიქცევა, რომელსაც ნებისმიერი ტერმინატორის განადგურება შეუძლია, შემდეგ კი ყველას არწმუნებს, რომ წარმოდგენა არ აქვს ეს როგორ მოხდა.

ლომი

ლომს თანდაყოლილი სუპერძალა აქვს. მას საკუთარი ხელით არაფრის კეთება არ უწევს, ჰყავს მოშინაურებული მხეცი, რომელიც მისგან მხოლოდ ბრძანებას ელის და ნებისმიერს აღგვის პირისაგან მიწისა. და, თუ ლომი მადლიერებას გამოიჩენს, დრაკონი მისთვის ნებისმიერ ციხესიმაგრეს გაანადგურებს და მისთვის კიდევ ერთ სამეფოს მოიპოვებს.

ქალწული

ქალწულს სამყაროს გადარჩენა ნებისმიერი ხერხით შეუძლია, მაგრამ მაინც ურჩევნია ბიბლიოთეკაში წავიდეს და წაიკითხოს, როგორ აკეთებდნენ ამას სხვები. შემდეგ უცოდინარ გმირებს გაანათლებს. მან პირველივე წუთიდან იცის, როგორ გააკეთოს ეს, თუმცა არავის უმხელს, რადგან სიამოვნების გახანგრძლივება სურს. გმირები მონდომებით ემზადებიან -ამის ცქერა კი ძალიან სასიამოვნოა!

სასწორი

სასწორი ბოლო წუთამდე დარწმუნებული არ არის, სურს, თუ არა გმირობა. ერთის მხრივ ეს ძალიან მაგარია, თუმცა მეორეს მხრივ – გმირები ხანდახან კვდებიან. ის მანამდე იფიქრებს, ვიდრე ბედისწერა თავად არ ეტყვის: ან იმოქმედე ან დანებდი – მეორე შანსი აღარ იქნება. მაშინ სასწორი მოკლე დროში შეუძლებელს შეძლებს, ამოისუნთქავს და დამშვიდდება.

მორიელი

საკუთარი სუპერძალა თავად მორიელებსაც ანცვიფრებს. თუ ის გადაწყვეტს მთელი თავისი ძალების მოსინჯვას, მაშინ მთელი მსოფლიო აცახცახდება და დაუყოვნებლივ უკეთესობისკენ შეიცვლება.

მშვილდოსანი

სხვა ნიშნებისგან განსხვავებით, მშვილდოსანი ნამდვილი სუპერქალია. ის არ ცდილობს გმირი იყოს, უბრალოდ ასე ცხოვრობს. მშვილდოსანი არ დამშვიდდება, ვიდრე არ დაამტკიცებს, რომ ყველაზე ძლიერია და არც სქესი, ასაკი და კუნთების წონა აინტერესებს. ის აუცილებლად მოიგებს ომს, მიიღებს ორდენს, მაგრამ ვერ მოისვენებს, ვიდრე გალაკტიკათა შორის არმიის გენერლის ტიტულს არ მიიღებს.

თხის რქა

თხის რქა სწრაფად პოულობს რჩეულს, რომელსაც გარკვეულ ლექციას წაუკითხავს და ფრონტის ხაზზე გაუშვებს. შემდგომ ყურადღებით აკვირდება, რომ პასუხისმგებლობას თავი არ აარიდოს და არაფერი შეეშალოს.

მერწყული

მერწყულისთვის ყველაფერი მარტივია. ვიდრე გარშემო მყოფები გაუბედავად ცდილობენ მას რაიმე მიანიშნონ, რაც თითქმის შეუძლებელია, მერწყული სწრაფად დაამყარებს მსოფლიო წესრიგს, შემდეგ კი ყველას ბარში სათანადოდ გართობას შესთავაზებს.

თევზები

თუ თევზებს სუპერგმირს უწოდებთ, ის საშინლად გაცხარდება და შესაძლოა საკუთარი ცხოვრებიდან სამუდამოდ ამოგშალოთ, რადგან მიიჩნევს, რომ მსოფლიოს გადარჩენა ბინძური ფიზიკური სამუშაოა, რაც კაცმა უნდა შეასრულოს. მათ კი ყოველთვის სპეციალურად მომზადებული მამაკაცები უყვარდებათ, სხვა დანარჩენებს კი უბრალოდ სუსტებად მიიჩნევენ.